Ministerstva pryrodnych resursaŭ i achovy navakolnaha asiarodździa płanuje raśsialić zubroŭ pa ŭsioj terytoryi Biełarusi, paviedamiła načalnik upraŭleńnia bijałahičnaj i łandšaftnaj raznastajnaści Minpryrody Natalla Minčanka siońnia pierad pačatkam prezientacyi abnoŭlenaj Stratehii pa zachavańni i ŭstojlivym vykarystańni bijałahičnaj raznastajnaści i sajta pa miechaniźmie pasiarednictva.
meteo.by
«My raspracoŭvajem novuju prahramu na piacihadovy pieryjad, u jakoj praduhledžany šerah mierapryjemstvaŭ pa zachavańni zubroŭ. Ciapier idzie aktyŭnaje pierasoŭvańnie zubroŭ pa terytoryi Biełarusi. Naprykład, mikrapapulacyja žyvioł užo stvoranaja ŭ zakaźniku «Nalibocki». Akramia taho, my źviarnulisia ŭ BTPR, kab jany paspryjali nam u stvareńni novych mikrapapulacyj u palaŭničych uhodździach, jakija znachodziacca na ich terytoryi», — adznačyła Natalla Minčanka.
Rasijski nacyjanalny park «Smalenskaje Paazierje» taksama abmiarkoŭvaje ź Biełaruśsiu mahčymaść zakupki zubroŭ dla stvareńnia ŭ siabie mikrapapulacyi.
Namieśnik ministra pryrodnych resursaŭ i achovy navakolnaha asiarodździa Ihar Kačanoŭski padkreśliŭ, što zachavańnie zubra — adna z klučavych metaŭ abnoŭlenaj Stratehii pa zachavańni i ŭstojlivym vykarystańni bijałahičnaj raznastajnaści.
«My padrychtavali darožnuju kartu i prapracoŭvajem jaje z našymi polskimi, litoŭskimi i łatvijskimi susiedziami. My chočam, kab zubr staŭ nie valjernym źvieram, a dzikim — nieadjemnym elemientam našaj pryrody», — kanstatavaŭ jon. Z polskimi kalehami śpiecyjalisty Minpryrody ŭžo pracujuć nad sumiesnym prajektam pa zubru. «Naša meta — viarnuć zubra ŭ dzikuju pryrodu i stvaryć ustojlivyja papulacyi na miažy», — rastłumačyŭ namieśnik ministra. «Finansavańnie prajekta płanujecca ažyćciaŭlać za košt srodkaŭ Jeŭrasajuza. U 2016 hodzie my płanujem jašče raz zaprasić polskich śpiecyjalistaŭ dla pieramovaŭ», — dapoŭniła Natalla Minčanka.
Jak paviedamlałasia, Biełaruś znachodzicca na pieršym miescy pa kolkaści zubroŭ, jakija žyvuć u stanie naturalnaj voli. Pačynajučy z 10 zubroŭ u 1940-ch hadach minułaha stahodździa, kraina ŭžo pryjšła da ličby bolš za 1200 asobin.
Prezientacyja abnoŭlenaj Stratehii pa zachavańni i ŭstojlivym vykarystańni bijałahičnaj raznastajnaści i sajta pa miechaniźmie pasiarednictva prajšła siońnia ŭ Minsku. Udzieł u joj pryniali bolš za 50 pradstaŭnikoŭ hramadskich arhanizacyj, ministerstvaŭ i viedamstvaŭ, ŚMI. «Siońnia my chočam jašče raz pradstavić abnoŭlenuju Stratehiju pa zachavańni i ŭstojlivym vykarystańni bijałahičnaj raznastajnaści. Da hetaj stratehii raspracavany vielmi kankretny płan mierapryjemstvaŭ z 2016 pa 2020 hod, paznačanyja vykanaŭcy kožnaha ź ich. Usiaho hetych mierapryjemstvaŭ siemdziesiat. My pastaralisia zrabić hety płan takim, kab heta było nie prosta razvažańnie pra toje, što my lubim pryrodu i za jaje pieražyvajem», — reziumavaŭ Ihar Kačanoŭski.
