Pinskija ratavalniki dastali z raki pjanuju miascovuju žycharku, paviedamiŭ pres-sakratar Bresckaha abłasnoha ŭpraŭleńnia MNS Siarhiej Mašnoŭ.
Incydent adbyŭsia 9 śniežnia kala 21 hadziny. U Pinski HRANS pastupiła paviedamleńnie ad vidavočcy, što ŭ race Pina ŭ rajonie vuł.Dniaproŭskaj Fłatylii ŭ vadzie znachodzicca čałaviek. Prybyŭšy praz 8 chvilin na miesca vykliku, ratavalniki pabačyli ŭ 60 m ad bieraha žančynu. U hety ž čas pa race na katery da jaje padpłyli rabotniki Asvoda. Jany vyciahnuli žančynu z vady i pieradali jaje supracoŭnikam MNS dla akazańnia pieršaj miedycynskaj dapamohi.
Paciarpiełaj apynułasia pinčanka 1977 hoda naradžeńnia. Jaje ahledzieli miedyki bryhady chutkaj dapamohi. Z dyjahnazam «ahulnaje pieraachaładžeńnie arhanizmu, ałkaholnaja intaksikacyja» žančyna špitalizavana ŭ Pinskuju centralnuju balnicu.
Abstaviny zdareńnia i matyvy, jakija vymusili pinčanku apynucca ŭ vierchniaj vopratcy ŭ race, vyśviatlajucca.