11 śniežnia nadvorje ŭ Biełarusi budzie, u asnoŭnym, vyznačać vobłaść pavyšanaha atmaśfiernaha cisku, dniom pa paŭnočnym zachadzie adabjecca ŭpłyŭ frantalnaha padziełu. Čakajecca vobłačnaje z prajaśnieńniami nadvorje.
Budzie pieravažna biez apadkaŭ, tolki dniom miescami pa paŭnočnym zachadzie Biełarusi projduć karotkačasovyja apadki (doždž, mokry śnieh). Nočču i ranicaj u niekatorych rajonach mahčymy tuman, słaby hałalod, na darohach — hałalodzica. Pa poŭnačy miescami ŭzmocnicca paŭdniova-zachodni viecier paryvami da 15-17 m/s. Tempieratura pavietra hetaj nočču składzie ad minus 4 da plus 2, zaŭtra dniom prahnazujecca ad nula da 6 hradusaŭ ciapła.
U vychodnyja čakajecca niaŭstojlivaje nadvorje, nadvorje ŭ Biełarusi buduć vyznačać atmaśfiernyja franty, jakija źmiaščajucca z Zachodniaj Jeŭropy.
U subotu, 12 śniežnia, časam apadki (mokry śnieh, doždž). Miescami čakajecca słaby hałalod, nočču i ranicaj na darohach hałalodzica. Tempieratura pavietra ŭnačy składzie ad minus 3 da plus 3, dniom čakajecca ad minus 1 da plus 5.
U niadzielu časam prahnazujucca apadki (mokry śnieh, doždž). Nočču i ranicaj miescami mahčymy tuman, słaby hałalod. Tempieratura pavietra ŭnačy składzie ad 2 hradusaŭ marozu da 3 hradusaŭ ciapła. Dniom čakajecca ad nula da plus 5 hradusaŭ.
U paniadziełak, 14 śniežnia, nočču zachavajecca ŭpłyŭ atmaśfiernych frantoŭ, dniom nadvorje abumoviać niaŭstojlivyja pavietranyja masy, jakija pastupajuć z Bałtyjskaha mora. Nočču na bolšaj častcy terytoryi, dniom miescami projdzie karotkačasovy śnieh, mokry śnieh. Na niekatorych učastkach daroh mahčyma hałalodzica.
Tempieratura pavietra na praciahu sutak čakajecca ad minus 2 da plus 3, dniom pa paŭdniovym zachadzie jana padnimiecca da 5 hradusaŭ ciapła.
