Čakajecca, što ab zapusku sietki sotavaj suviazi čaćviortaha pakaleńnia pa technałohii LTE (4G) u Biełarusi budzie aficyjna abjaŭlena 17 śniežnia. Pavodle źviestak BiełaPAN, na hety dzień u Minsku zapłanavanaje mierapryjemstva z udziełam kiraŭnictva Ministerstva suviazi i infarmatyzacyi.
Realizacyjaj prajekta razhortvańnie sietki LTE ŭ Biełarusi zajmajecca STAA «Biełaruskija vobłačnyja technałohii» (apieratar beSloud). Ź biełaruskaha boku zasnavalnikam STAA vystupiła RUP «Nacyjanalny centr abmienu trafikam» (51%). Asnoŭnym udzielnikam z boku inviestara vystupaje adzin ź viadomych rasijskich biźniesmienaŭ.
Apieratar beCloud raźličvaŭ zapuścić 4G-sietku (LTE) u Minsku da kanca hetaha hoda, što budzie adpaviadać inviestycyjnamu płanu.
U mai hetaha hoda hienieralny dyrektar STAA «Biełaruskija vobłačnyja technałohii» Siarhiej Pabłahujeŭ paviedamiŭ žurnalistam, što beSloud abmiarkoŭvaje z udzielnikami rynku pytańni vykarystańnia infrastruktury pry razhortvańni sietki LTE. «Hałoŭnaja ideja našaha prajekta zaklučajecca ŭ tym, kab nie budavać try sietki. My havorym, što budavać sietku treba adzin raz. U vyniku i sabiekošt pasłuh budzie tańniejšy», — zaznačyŭ Pabłahujeŭ.
Long Term Evolution (LTE, 4G) — pierśpiektyŭnaje (čaćviortaje) pakaleńnie mabilnaj suviazi, jakoje charaktaryzujecca vysokaj chutkaściu pieradačy danych i pavyšanaj jakaściu hałasavoj suviazi. Sietka čaćviortaha pakaleńnia dazvalaje zabiaśpiečyć chutkaść pieradačy danych u 5—15 razoŭ vyšejšuju, čym 3G. Dziakujučy 4G abanient atrymlivaje vysokachutkasny internet, inavacyjnyja multymiedyjnyja pasłuhi, aŭdyjo- i videakantent samaj vysokaj jakaści ŭ režymie realnaha času, novy ŭzrovień interaktyŭnych znosinaŭ.
