Tempieraturny rekord dnia pabity ŭ Biełarusi 7 śniežnia.
U Ivacevičach (Bresckaja vobłaść) słupok termomietra ŭźniaŭsia da adznaki 11,6 hradusa ciapła. Heta na 1,6 hradusa vyšej za raniejšy absalutny maksimum, jaki byŭ zarehistravany ŭ Žytkavičach (Homielskaja vobłaść) 7 śniežnia 1960 hoda. U samich Žytkavičach pavietra prahrełasia da 10,7 hradusa. U Ivacevičach raniejšy rekord dnia składaŭ plus 7,6 hradusa (u 2006 hodzie).
Pabityja rekordy ŭ stalicy i va ŭsich abłasnych centrach
U Viciebsku tempieratura dasiahnuła 8,6 hradusa (było 7,8 u 2006 hodzie), u Minsku — 8,8 (7,3 u 2006 hodzie), Hrodnie — 9,4 (8,3 u 2006 hodzie), Mahilovie — 9,5 (7,3 u 1961 hodzie), Breście — 10,5 (9,9 u 1960 hodzie), Homieli — 11 (8,5 u 1960 hodzie).
Absalutny maksimum śniežnia — plus 14,5 hradusa (5 śniežnia 1961 hoda ŭ Breście).
