Pavodle vynikaŭ listapada 2015 hoda zołatavalutnyja reziervy Biełarusi ŭ vyznačeńni standartu MVF skaracilisia na 82,7 młn dalaraŭ i, zhodna z papiarednimi źviestkami, na 1 śniežnia skłali 4 młrd 584 młn dalaraŭ ZŠA ŭ ekvivalencie.
U nacyjanalnym vyznačeńni zołatavalutnyja reziervy źmienšylisia na 248,3 młn dalaraŭ i na 1 śniežnia skłali 4 młrd 911,6 młn dalaraŭ u ekvivalencie. U skład ZVR u nacyjanalnym vyznačeńni dadatkova ŭklučajucca reziervovyja aktyvy ŭ rasijskich rublach i kitajskich juaniach, a taksama kaštoŭnyja kamiani i roznyja vidy kaštoŭnych mietałaŭ.
Jak paviedamlaje pres-słužba Nacyjanalnaha banka, na źnižeńnie abjomu zołatavalutnych reziervaŭ paŭpłyvali značnaje źmianšeńnie koštu zołata na mižnarodnym rynku kaštoŭnych mietałaŭ, a taksama pahašeńnie ŭradam i Nacbankam źniešnich i ŭnutranych abaviazacielstvaŭ u zamiežnaj valucie ŭ poŭnym abjomie.
Padtrymańniu zołatavalutnych reziervaŭ spryjali pastupleńnie srodkaŭ ad prodažu Nacyjanalnym bankam ablihacyj, naminavanych u zamiežnaj valucie, i pastupleńni ad źbirańnia ekspartnych pošlin na naftapradukty.
U žniŭni na pres-kanfierencyi ŭ Minsku kiraŭnik Nacbanka Pavieł Kałaur zajaviŭ, što da kanca 2015 hoda abjom zołatavalutnych reziervaŭ Biełarusi zachavajecca na najaŭnym uzroŭni (na toj pieryjad prykładna 4,7 młrd dalaraŭ)