Alaksandr Łukašenka 8-12 śniežnia ździejśnić aficyjnyja vizity ŭ Sacyjalistyčnuju Respubliku Vjetnam i Turkmienistan. Pra heta paviedamili ŭ pres-słužbie biełaruskaha lidara.
Prahramaj vizitu ŭ Vjetnam zapłanavanyja pieramovy z prezidentam Čyonh Tan Šanham, sustrečy z hienieralnym sakratarom Kamunistyčnaj partyi Nhujen Fu Čonham i premjer-ministram Nhujen Tan Zunham.
Prahrama naviedvańnia Turkmienistana taksama nasyčanaja sustrečami i mierapryjemstvami. Łukašenka praviadzie pieramovy z prezidentam Turkmienistana Hurbanhuły Bierdymuchamiedavym, pa vynikach jakich budzie padpisany šerah mižnarodnych dakumientaŭ. Čakajecca, što kiraŭnik Biełarusi naviedaje sumiesnuju biełaruska-turkmienskuju vystavu-kirmaš, Alimpijski haradok.
Łukašenka taksama prymie ŭdzieł u mižnarodnaj kanfierencyi «Palityka niejtralitetu: mižnarodnaje supracoŭnictva ŭ imia miru, biaśpieki i raźvićcia».
