Raźvićcio karyjoznych paražeńniaŭ moža być spyniena i praduchilena biez tradycyjnaha stamatałahičnaha ŭmiašańnia — navukoŭcy vyśvietlili, što raźvićcio karyjesu možna praduchilić zusim inšymi mietadami. Z vynikami pracy navukoŭcaŭ Sidnejskaha ŭniviersiteta možna aznajomicca ŭ časopisie Community Dentistry and Oral Epidemiology.
«Heta daśledavańnie dakazvaje nieabchodnaść surjoznych źmianieńniaŭ u sposabach baraćby z karyjesam, — kamientuje kiraŭnik hrupy navukoŭcaŭ, prafiesar Viendeł Evans. — Papieradžalnyja zachady majuć bolš efiektyŭnyja vyniki, čym tradycyjnaja lačebnaja praktyka».
Na praciahu doŭhaha času ličyłasia, što karyjes zdolny chutka prahresavać, tamu pry vyjaŭleńni jaho treba terminova vydalić, a paražninu zapoŭnić płambirovačnym materyjałam. Adnak niadaŭna było vyśvietlena, što, naprykład, dla raźvićcia karyjesu ad emali da ŭnutranaha płastu zuba (dencynu) nieabchodna ad 4 da 8 hadoŭ. Heta dastatkovy pieryjad dla vyjaŭleńnia i praduchileńnia dalejšaj karyjoznaj parazy.
Siamihadovaje daśledavańnie aŭstralijskich navukoŭcaŭ dakazała, što rehularnaje dahladańnie zuboŭ nie tolki značna skaračaje ryzyku raźvićcia karyjesu, ale i moža całkam spynić jaho raźvićcio.
Dla hetaha nieabchodna nadavać pavyšanuju ŭvahu chatniaj čystcy zuboŭ i skaračać užyvańnie cukru.
Stamatołaham navukoŭcy rajać vykarystoŭvać ftoraźmiaščalnyja łaki.
Prahrama manitorynhu, jakaja pravodzicca Nacyjanalnaj radaj pa zdaroŭi i miedycynskich daśledavańniach u Aŭstralii, paćvierdziła, što ryzyka raźvićcia karyjesu i nieabchodnaść płambavańnia skaročana na 30—50% siarod pacyjentaŭ, jakija prytrymlivalisia nazvanych praviłaŭ.
