Prezident Ukrainy Piatro Parašenka zajaviŭ, što pastaŭki elektraenierhii ŭ Krym pa adnoj ŁEP buduć adnoŭleny ŭ najbližejšy čas. Pra heta jon paviedamiŭ siońnia ŭ intervju ŭkrainskim telekanałam.
Parašenka zajaviŭ, što ŭ vyniku avaryi naziralisia surjoznyja ciažkaści z enierhazabieśpiačeńniem niekalkich rajonaŭ na poŭdni Ukrainy, u pryvatnaści, u Chiersonskaj i Mikałajeŭskaj abłaściach.
«Avaryjnaje zabieśpiačeńnie pa adnoj nitcy ŁEP budzie adnoŭlena ŭ bližejšy čas, darečy, pry praviadzieńni kansultacyj z krymskimi tatarami», — paviedamiŭ prezident Ukrainy.
6 śniežnia ŭdzielniki błakady Kryma dapuścili adnaŭleńnie ekspłuatacyi linii elektrapieradačy (ŁEP) «Kachoŭskaja-Tytan» dla elektrazabieśpiačeńnia anieksavanaha Kryma.
22 listapada z-za avaryi na ŁEP u Chiersonskaj vobłaści byli całkam spynienyja pastaŭki elektraenierhii z Ukrainy ŭ Krym.