Śviatłana Aleksijevič prylacieła ŭ Stakholm dla ŭdziełu ŭ cyrymonii ŭručeńnia Nobieleŭskaj premii ŭ biznes-kłasie avijakampanii «Biełavija». Pasadzić Śviatłanu ŭ biznes-kłas było rašeńniem kampanii.
Supracoŭniki aeraporta supravadzili Śviatłanu ŭ zału čakańnia biznes-kłasa, a da borta dastavili jaje na asobnym aŭtamabili.
Kapitan samalota publična pavinšavaŭ piśmieńnicu z atrymańniem Nobieleŭskaj premii.
Biełaruskaje hramadstva z entuzijazmam vitała prysudžeńnie Nobieleŭskaj premii biełaruscy — upieršyniu ŭ historyi. Ułady Biełarusi ŭspryniali rašeńnie kisła, choć i biez prapahandysckaha šału, jaki ŭsčaŭsia ŭ Rasii. Dziaržaŭnyja telekanały Biełarusi nie tranślavali pieršuju pres-kanfierencyju piśmieńnicy, skazili sens jaje vykazvańniaŭ i nie buduć tranślavać cyrymoniju ŭznaharodžańnia. Pry hetym, varta pryznać, i brudam piśmieńnicu nie palivajuć.