Pradstaŭniki ruchu «Taliban» u Afhanistanie apublikavali aŭdyjozapis, u jakim, jak jany śćviardžajuć, lidar talibaŭ Muła Achtar Mansur abviarhaje paviedamleńni pra svaju śmierć.
Raspaŭsiudžanaja na minułym tydni infarmacyja pra maju hibiel u pierastrełcy ŭ Pakistanie źjaŭlajecca niasłušnaj, kaža čałaviek, čyj hołas, na dumku niekatorych ekśpiertaŭ, sapraŭdy moža naležać lidaru afhanskich talibaŭ.
Adnak krynicy ŭ kiraŭnictvie «Talibana» zajavili ahienctvu Frans-pres, što, na ich dumku, zapis padrobleny, Muła Achtar Mansur chutčej za ŭsio zahinuŭ ad ranieńniaŭ, atrymanych u chodzie sutyknieńnia.
U kancy lipienia «Talibanam» była aficyjna paćvierdžana śmierć lidara hrupoŭki Muły Amara. Pierajemnikam byŭ pryznačany jaho namieśnik Achtar Machamad Mansur. Paviedamlałasia, što niekatoryja kamandziry talibaŭ admovilisia pryznavać novaha lidara.
