Ankara moža znajści inšych pastaŭščykoŭ enierhii zamiest Rasii, zajaviŭ prezident Turcyi Redžep Taip Erdahan.
Adnak, jak adznačyŭ Erdahan, Rasija, jakaja źjaŭlajecca najbujniejšym pastaŭščykom hazu, nafty i vuhalu dla Turcyi, pakul nie padavała nijakich znakaŭ, jakija śviedčać ab tym, što supracoŭnictva ŭ śfiery enierhietyki moža paciarpieć z-za paharšeńnia adnosin.
Adnosiny Rasii i Turcyi rezka abvastrylisia paśla incydentu z rasijskim bambavikom Su-24, źbitym tureckimi VPS. Ankara śćviardžaje, što samalot parušyŭ pavietranuju prastoru krainy, Maskva heta admaŭlaje.
27 listapada było abvieščana, što Rasija z 2016 hoda prypyniaje biaźvizavy režym z Turcyjaj. Akramia admieny vizavaha režymu, sankcyi Rasii suprać Turcyi ŭklučajuć u siabie embarha na mnohija tavary, abmiežavańni na pracu tureckich firmaŭ, zabaronu na prodaž turaŭ, zabaronu na čartarnyja rejsy, uzmacnieńnie kantrolu za tureckimi dalnabojščykami i sudami ŭ Čornym mory.
Pakul paharšeńnie adnosin nie zakranuła prodaž rasijskaha hazu Ankary i prajekt budaŭnictva AES «Akuju».
