Dziaržduma RF u piatnicu pryniała ŭ druhim i ŭ trecim, kančatkovym, čytańni zakon, jaki źnižaje amal u 100 razoŭ (z 450 tysiač da 5 tysiač rasijskich rubloŭ) štrafy za adsutnaść u dalnabojščykaŭ trekieraŭ — novych sistem, jakija adsočvajuć šlach i vyznačajuć pamier apłaty, paviedamlaje »Interfaks».
TASS
«Pryniatyja papraŭki taksama ŭvodziać paniaćcie adnakratnaści štrafu: nie bolš za adzin štraf u sutki pry luboj kolkaści fiksacyj parušeńnia. Akramia taho, papraŭki dazvalajuć postapłatu zamiest pieradapłaty», — skazaŭ žurnalistam, kamientujučy inicyjatyvu, pieršy namieśnik staršyni kamiteta Dziarždumy pa kanstytucyjnym zakanadaŭstvie i dziaržaŭnym budaŭnictvie Viačasłaŭ Łysakoŭ.
Zhodna z zakonam, ruch aŭtamabila, jaki maje dazvolenuju maksimalnuju masu zvyš 12 ton, pa aŭtamabilnych darohach ahulnaha karystańnia fiederalnaha značeńnia biez uniasieńnia płaty ŭ košt pakryćcia škody, jaki pryčyniajecca takim daroham, karajecca štrafam 5 tysiač rubloŭ (pieršapačatkova mierkavaŭsia štraf u 450 tysiač rubloŭ na jurydyčnych asob).
Heta datyčycca kiroŭcaŭ aŭtamabilaŭ, jakija naležać zamiežnym pieravozčykam, i ułaśnikaŭ aŭtamabilaŭ, jakija nie naležać zamiežnym pieravozčykam.
Paŭtornaje ŭčynieńnie takoha administracyjnaha pravaparušeńnia ciahnie nakładańnie administracyjnaha štrafu ŭ pamiery 10 tysiač rubloŭ. Zakon ustanaŭlivaje, što pamier płaty ŭ košt pakryćcia škody aŭtadaroham i paradak jaje spahnańnia vyznačajucca uradam RF.
Łysakoŭ adznačyŭ, što «u ciapierašni čas košt 1 km źnižany uradam Rasii da 1,53 da sakavika 2016 hoda, i ŭ kamitecie spadziajucca na prałanhacyju» hetaj miery.
Nahadajem, raniej u piatnicu kiroŭcy vialikahruznych aŭto pačali akcyju pratestu na Maskoŭskaj kalcavoj aŭtadarozie, u vyniku čaho, pa słovach vidavočcaŭ, stvaryłasia hihanckaja probka. Jak paviedamlałasia, kiroŭcy pratestujuć suprać zboru za prajezd pa fiederalnych trasach.
Pavodle apošnich dadzienych, ruch na ŭčastku vonkavaha boku MKAD u rajonie Leninhradskaj šašy, dzie dalnabojščyki sprabavali zładzić akcyju pratestu, razbłakavany.