Brytanski astranaŭt Cimaci Pik paviedamiŭ, što maje namier prabiehčy Łondanski marafon u biazvažkaści na borcie Mižnarodnaj kaśmičnaj stancyi. Pra heta paviedamlajecca na sajcie mierapryjemstva, jakoje projdzie 24 krasavika.
twitter.com
Pik źbirajecca treniravacca, kab prajści dystancyju razam z tysiačami inšych udzielnikaŭ. Pavodle jaho słoŭ, jon maje namier prabiehčy 26,2 mili dystancyi na admysłovaj biehavoj darožcy na borcie MKS, nazirajučy za tranślacyjaj mierapryjemstva ŭ Łondanie na ekranie iPad.
Jon adznačyŭ, što strymlivajučaja sistema na trenažory dazvalaje stvaryć padabienstva ziamnoha pryciahnieńnia, ale nie vielmi zručnaja, tamu rekordaŭ čakać nie davodzicca. U 1999 hodzie Pik prabieh toj ža marafon za 3 hadziny 18 chvilin, ciapier jon čakaje vyniku ŭ 3,5-4 hadziny.
Hiendyrektar marafonu Chju Brešer padkreśliŭ, što znakavaja padzieja stanie stymułam dla maładych ludziej pa vyvučeńni navuki i kosmasu.
