AAT «MAPID», AAT «Minski domabudaŭničy kambinat» i KUP «Zavod efiektyŭnych pramysłovych kanstrukcyj» źviarnulisia da Alaksandra Łukašenki z prablemaj niedastatkovaj zahruzki mahutnaściej, niachvatki placovak pad budaŭnictva žylla i ŭnieśli svaje prapanovy pa palapšeńni situacyi.
Prapanovy pradpryjemstvaŭ byli pradmietna razhledžanyja siońnia kiraŭnikom dziaržavy pry ŭdziele zacikaŭlenych bakoŭ.
«Što jany prapanujuć? Dajcie nam mahčymaść samim budavać žyllo, niedarahoje, z rentabielnaściu 5 pracentaŭ dla tych ludziej, jakija majuć hrošy i stajać na čarzie ŭ harvykankamie», — adznačyŭ Łukašenka.
Kiraŭnik dziaržavy pastaviŭ zadaču da 20 śniežnia znajści mahčymaść dla taho, kab pradastavić pradpryjemstvam nieabchodnyja budaŭničyja placoŭki, zabiaśpiečyć zahruzku na poŭnuju mahutnaść. Alaksandr Łukašenka daručyŭ taksama sumiesna vyznačać śpisy žadajučych budavać takoje žyllo. Sposaby mohuć być roznymi, ale pracedura pavinna być adkrytaj i prazrystaj, zapatrabavaŭ jon.
U vyniku było pryniata pryncypovaje rašeńnie, jakoje nakiravana na palapšeńnie situacyi z budaŭnictvam žylla dla žycharoŭ stalicy. Minharvykankam na hety momant užo vyznačyŭ try damy, jakija buduć budavacca z ulikam prapanoŭ pradpryjemstvaŭ.
