Na apublikavanych rasijskim minabarony zdymkach vidać aŭtacysterny, jakija pieravoziać naftu ź irakskaha Kurdskaha aŭtanomnaha rajona (KAR) u Turcyju, a nie mašyny hrupoŭki «Isłamskaja dziaržava».
Bryfinh Ministerstva abarony RF. Fota: AP
Pra heta, jak piša vydańnie Daily Sabah, zajaviŭ staršynia enierhietyčnaha kamiteta parłamienta kurdskaj aŭtanomii ŭ Iraku Šerk Džaŭdat.
«Naša ministerstva pryrodnych resursaŭ raniej abjaviła, što sotni naftavozaŭ dastaŭlajuć naftu z KAR ŭ Turcyju. Tłumačeńni Rasii zasnavanyja na niasłušnych krynicach. My kateharyčna nie prymajem rasijskija abvinavačvańni», — zajaviŭ Džaŭdat.
2 śniežnia minabarony RF zajaviła pra «nieabvieržnyja dokazy» datyčnaści Turcyi da pastavak nafty z terytoryj, jakija kantralujucca ID. U minabarony ličać, što tureckija ŭłady i asabista prezident Erdahan uciahnutyja ŭ zdabyču i pieravozku ŭ Turcyju nafty z rajonaŭ Siryi i Iraku, jakija kantralujucca ID.
