Zaŭtra, 5 śniežnia, z 2.00 da 4.00 mahčymyja karotkačasovyja pierapynki ŭ absłuhoŭvańni trymalnikaŭ kartak pry praviadzieńni płaciažoŭ pry dapamozie mabilnych terminałaŭ u sietcy arhanizacyj handlu i servisu.
Pryčyna zbojaŭ u pracy kartak — praviadzieńnie prafiłaktyčnych rabot Bankaŭskim pracesinhavy centram.
Jak padkreślili ŭ «Biełarusbanku», zboi mahčymyja tolki pry praviadzieńni apłaty praz mabilnyja terminały, jakija vykarystoŭvajucca, jak praviła, u nievialikich kramach. «U supiermarkietach prymianiajucca zusim inšyja terminały, a značyć, prablem z načnoj kuplaj praduktaŭ nie ŭźniknie», — prakamientavali situacyju ŭ banku. Taksama ŭ hety čas budzie dastupnaja praca internet-bankinhu. Tym nie mienš jon častkova nie budzie pracavać u klijentaŭ «Biełarusbanka» 6 śniežnia z 9.00 da 18.00. U suviazi z praviadzieńniem technałahičnych rabot buduć niedastupnyja nastupnyja pasłuhi ŭ sistemie «internet-bankinh»: internet-depazit, internet-kredyt, rehistracyja klijentaŭ, dadatkovyja pasłuhi.
