Jeŭrapiejskaja kamisija maje namier vydzielić Ukrainie 100 młn jeŭra na praviadzieńnie reformy pa decentralizacyi.
Pra heta na pres-kanfierencyi paviedamiŭ namieśnik staršyni pradstaŭnictva Jeŭrapiejskaha Sajuza ŭ Ukrainie Tomas Frelesen, pieradajuć «Ukrainskija naviny».
«Jeŭrapiejskaja kamisija ŭčora pryniała rašeńnie — dać Ukrainie surjoznuju finansavuju dapamohu dla decentralizacyi ŭ 100 młn jeŭra», — skazaŭ jon.
Taksama budzie akazvacca surjoznaja kansultacyjnaja dapamoha.
Pa słovach Frelesena, pry atrymańni abjadnanymi supołkami inviestycyjnych płanaŭ, im patrebnaja budzie dapamoha ŭ navučańni pravilnaj ich realizacyi.
Jak paviedamlałasia, hienieralny sakratar Rady Jeŭropy Turbjorn Jahłand ličyć pryjarytetnaj dla Ukrainy reformu pa decentralizacyi.
