Asnoŭnyja biełaruskija telekanały nie buduć vieści tranślacyju cyrymonii ŭručeńnia Nobieleŭskaj premii, dzie ŭznaharodu pa litaratury atrymaje piśmieńnica Śviatłana Aleksijevič.
«Nam nichto nie prapanoŭvaŭ nabyvać pravy na tranślacyju, — adrazajuć u pres-słužbie ANT. — A sami my nie płanavali. U nas budzie infarmacyjnaje aśviatleńnie hetaj padziei ŭ navinach».
«U suviazi z najaŭnaściu peŭnych arhanizacyjnych, techničnych, finansavych i jurydyčnych pytańniaŭ i aśpiektaŭ, Biełteleradyjokampanija nie płanavała nabyćcio pravoŭ na žyvuju tranślacyju cyrymonii ŭznaharodžańnia Nobieleŭskaj premijaj 2015 hoda, — jak pa papiercy tłumačyć staršynia pres-słužby BT Śviatłana Smałonskaja-Kraskoŭskaja. — Tele- i radiokanały našaha chołdynhu płanujuć šyroka aśviatlać dadzienuju padzieju ŭ infarmacyjnym rečyščy».
Što ž heta za «peŭnyja pytańni dy aśpiekty», pradstaŭnica BT kamientavać admaŭlajecca. Dy i ci mohuć jany isnavać u pryncypie?
«Samy prosty šlach — heta być padpisantam Reuters ci IPTM. Vy zmožacie brać tranślacyju i zapisy naŭprost adtul, — kaža Jeŭraradyjo pradstaŭnica Nobieleŭskaha kamiteta, jakaja adkazvaje za suviazi ź miedyja. — To bok vy budziecie mieć usie pravy, što majuć jany. Ja nie mahu skazać, kolki dakładna budzie hladzieć tranślacyju. Ale tolki Reuters i IPTM maje pryblizna 1500 padpisantaŭ».
Ale i heta nie adzinaja mahčymaść tranślacyi cyrymonii ŭznaharodžańnia nobieleŭskaj premii!
«Isnuje takoje zhurtavańnie publičnych i dziaržaŭnych telekanałaŭ European Broadcasting Union (Jeŭrapiejski viaščalny sajuz, — Jeŭraradyjo), u miežach jakoha kanały abmieńvajucca tymi zdymkami, što majuć, — dzielicca kiraŭnik redakcyi infarmacyjnych prahram telekanała «Biełsat» Alaksiej Dzikavicki. — Asobna za kadry płacić nie treba, tam jość niejkija nievialikija ŭnioski. I voś kali adnamu telebačańniu treba vykarystać zdymki inšaha telebačańnia, to heta prosta robicca. Dla hetaha nie treba nijakaj akredytacyi ci čaho inšaha».
Biełteleradyjokampanija dakładna źjaŭlajecca ŭdzielnikam Jeŭrapiejskaha viaščalnaha sajuza. Inačaj nie było b u Biełarusi «Jeŭrabačańnia». To bok «peŭnyja pytańni dy aśpiekty» dla BT aŭtamatyčna pierastajuć isnavać.
Niepasredna ŭznaharodžańnie nobieleŭskich łaŭreataŭ projdzie 10 śniežnia ŭ Stakholmie. Biełaruskuju piśmieńnicu budzie supravadžać karol Šviecyi Karł Hustaŭ XVI. A 7 śniežnia, napiaredadni cyrymonii usie łaŭreaty, u tym liku i Śviatłana Aleksijevič, vystupiać z tak zvanaj «Nobieleŭskaj miemaryjalnaj lekcyjaj». U hutarcy z «Radyjo Svaboda» biełaruskaja piśmieńnica paviedamiła, što budzie kazać pra sučasnuju Biełaruś ćviorda i surova «ale tak my žyli i žyviom». Śviatłana Aleksijevič paabiacała ŭzhadać i padziei paśla vybaraŭ u 2010-m hodzie, «jak dzieci vyjšli na płošču i jak jany sprabavali supraciŭlacca».
Padčas lekcyi Śviatłany Aleksijevič (7 śniežnia, 19:30) pa dziaržaŭnym telebačańni budzie iści:
- BT-1: prahramy «Ariena» i «Zona Ch. Kriminalnyje novosti».
- BT-2: kulinarnaja kamiedyja «Kuchnia» (Rasija) i kamiedyjnaja mieładrama «Vaśmidziesiatyja» (Rasija).
- ANT: prahramy «Ždi mienia» i rasijskija naviny «Vriemia».
- STB: prahramy «24 časa» i «Stoličnyje podrobnosti».
U momant uručeńnia biełaruskaj piśmieńnicy Śviatłanie AleksijevičNobieleŭskaj premii pa litaratury (10 śniežnia, 18:30):
- BT-1: prahramy «Biełorusskoje vriemiečko», «Novosti riehiona», «Novosti».
- BT-2: Fantastyčna-pryhodnicki sieryjał «Bafi — źniščalnica vampiraŭ» (ZŠA), kulinarnaja kamiedyja «Kuchnia» (Rasija).
- ANT: sieryjał «Tatavy dočki», «Pusť hovoriat» z Andrejem Małachavym.
- STB: prahrama «Dokumientalnyj projekt»: «Astronomy drievnich mirov».
Pahladzieć cyrymoniju ŭručeńnia nobieleŭskaj premii možna budzie naYouTube. Lekcyja Śviatłany Aleksijevič budzie tranślavacca tut:
A niepasredna cyrymonija budzie tranślavacca tut:
