VI Minski mižnarodny Kaladny opierny forum projdzie ŭ Minsku z 16 pa 20 śniežnia, u jakim voźmuć udzieł artysty z 22 krain, paviedamiŭ 3 śniežnia žurnalistam hienieralny dyrektar Nacyjanalnaha akademičnaha vialikaha teatra opiery i baleta Biełarusi Uładzimir Hrydziuška.
Pačniecca fiestyval 16 śniežnia opieraj «Carskaja niaviesta» Mikałaja Rymskaha-Korsakava. Hałoŭnuju žanočuju partyju — Marfy Sabakinaj — vykanaje zorka suśvietnaj opiery, salistka Vialikaha teatra Rasii, łaŭreat mižnarodnych konkursaŭ Vieniera Himadyjeva.
17 śniežnia ŭ śpiektakli biełaruskaha Vialikaha teatra «Jaŭhien Aniehin», jaki prymierkavany da 175-hodździa z dnia naradžeńnia P.I.Čajkoŭskaha, hałoŭnyja partyi vykanajuć salisty Vialikaha teatra Rasii, łaŭreaty mižnarodnych konkursaŭ: Jaŭhien Aniehin — Andrej Žylichoŭski, Taćciana — Kaciaryna Ščarbačenka, Lenski — Bahdan Vołkaŭ, Volha — Julija Mazurava, Hremin — Aleh Cybulka, Łaryna — zasłužanaja artystka Rasii Iryna Rubcova, niania — zasłužanaja artystka Rasii Iryna Udałava, Zarecki — Valeryj Hilmanaŭ.
U piatnicu viečaram, 18 śniežnia, na hałoŭnaj scenie teatra adbudziecca kancert maładych vykanaŭcaŭ La canzone italian. U kancercie voźmuć udzieł artyst Maładziožnaj prahramy Vialikaha teatra Rasii Alaksandr Rasłaviec, łaŭreaty mižnarodnych konkursaŭ Juryj Haradziecki, Maryja Šabunia, Illa Silčukoŭ.
19 śniežnia na scenie Vialikaha teatra — opiera «Karmen», hałoŭnuju partyju ŭ jakoj vykanaje prymadona Nacyjanalnaj opiery narodnaja artystka Ukrainy Anžalina Švačka, jakaja, pavodle słoŭ Hrydziuški, ličycca adnoj ź lepšych u śviecie vykanaŭcaŭ partyi Karmen.
I zavieršyć kaladny forum 20 śniežnia hrandyjozny hała-kancert zorak suśvietnaj opiery z 15 krain, u liku jakich Azierbajdžan, Biełaruś, Bałharyja, Hruzija, Łatvija, Litva, Kazachstan, Rasija, Ukraina, Čechija, Estonija i inšyja. U zaklučnym mierapryjemstvie voźmuć udzieł viadučyja salisty Vialikaha teatra Biełarusi, a taksama zorki suśvietnaj opiery i pieramožcy II Minskaha mižnarodnaha Kaladnaha konkursu vakalistaŭ, jaki projdzie ŭ Minsku z 9 pa 15 śniežnia. Režysior hała-kancerta — Michaił Pandžavidze. Za dyryžorskim pultam — zasłužany artyst Ukrainy Viktar Płaskina, Aleh Lasun.
Dyrektar Vialikaha teatra adznačyŭ, što mnohija skieptyki nie vieryli ŭ daŭhaviečnaść hetaha forumu. «Žyćcio rasstaviła ŭsio na svaje miescy, forum praciahvaje žyć, farmat jaho zastajecca niaźmiennym, i ŭ jaho miežach my zaŭsiody pakazvajem svaje lepšyja premjery z udziełam susietnych opiernych zorak, — skazaŭ jon. — A ź minułaha hoda my ŭzmacnili naš forum Kaladnym konkursam vakalistaŭ».
