Lashasy Biełarusi hatovyja pradać da Novaha hoda amal 269 tysiač jołak, paviedamili ŭ pres-słužbie Ministerstva lasnoj haspadarki.
Pavodle infarmacyi pres-słužby, letaś było realizavana prykładna 143 tys. navahodnich dreŭ.
Jołačnyja kirmašy pačnuć pracavać 21 śniežnia ŭ Minsku, va ŭsich abłasnych i rajonnych centrach. Płanujecca, što lashasami sumiesna z abłvykankamami i Minharvykankamam budzie arhanizavana kala 700 handlovych punktaŭ pa realizacyi navahodnich dreŭ. Taksama kožny achvotny zmoža nabyć jołku niepasredna ŭ laśnictvie.
Što da cany, to ŭ siarednim dreva vyšynioj da 3 mietraŭ abydziecca ŭ 120 tys. pry kupli ŭ handlovym punkcie i kala 90 tys. — u laśnictvie.
U viedamstvie nahadali, što ŭ adpaviednaści z praviłami narychtoŭki druhasnych lasnych resursaŭ i ažyćciaŭleńnia pabočnaha lesakarystańnia lashasy narychtoŭvajuć navahodnija drevy chvojnych parod u miežach vydzielenych učastkaŭ lasnoha fondu, a mienavita: na śpiecyjalna stvoranych płantacyjach navahodnich dreŭ chvojnych parod; pry praviadzieńni vysiakańnia ŭ lasach z kolkaści dreŭ, što vysiakajucca ŭ adpaviednaści ź lesavodčymi patrabavańniami; u paradku rasčystki tras, prasiek, pałos advodu, linij elektrapieradačy, na lesasiekach hałoŭnaha karystańnia i sucelnaha sanitarnaha vysiakańnia, kali na hetych lesasiekach padrost nie padlahaje zachavańniu.
Pamiery i jakaść navahodnich dreŭ chvojnych parod pavinny adpaviadać ustanoŭlenym dla ich patrabavańniam techničnych narmatyŭna-pravavych aktaŭ, adznačyli ŭ pres-słužbie.
