Pra heta paviedamiŭ siońnia na bryfinhu «Nadvorje zimy 2015/16» načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Dźmitryj Rabaŭ.
bymedia.net
«Da 20 śniežnia tempieratura pavietra ŭ Biełarusi budzie vyšej za normu, potym na kaladnyja śviaty krychu pachaładnieje. Praŭda, da Novaha hoda tempieratura znoŭ pačnie pavyšacca. Papiaredniaja tempieratura pavietra nočču na Novy hod čakajecca kala 1-6 hradusaŭ marozu, dniom budzie kala nula. Miescami pa krainie prahnazujucca nievialikija apadki — śnieh i mokry śnieh», — rastłumačyŭ jon.
Śniežań, jak adznačaje śpiecyjalist, budzie bolš ciopły, čym zvyčajna. Havoračy ab nadvorji ŭ pieršuju dekadu miesiaca, Dźmitryj Rabaŭ paviedamiŭ, što ŭ piatnicu praz terytoryju krainy budzie prachodzić atmaśfierny front, tamu ŭ paŭnočnych i centralnych rajonach čakajucca karotkačasovyja apadki — doždž i mokry śnieh. Pa paŭnočnym zachadzie prahnazujecca viecier z paryvami da 15-20 m/s, tuman, na darohach — hałalodzica. «U bližejšyja vychadnyja nadvorje istotna nie źmienicca, navat krychu paciapleje. U subotu i niadzielu nočču budzie nul — plus 5. Dniom čakajecca 2-8 hradusaŭ ciapła. Nadvorje budzie krychu syrym, vietranym i dyskamfortnym. Da kanca dekady jano istotna nie źmienicca», — raskazaŭ jon.
U druhoj dekadzie ŭ asobnyja dni čakajucca karotkačasovyja apadki, mokry śnieh, jaki budzie pierachodzić u doždž, hałalod, hałalodzica. Tempieratura nočču składzie ad nula da minus 5 hradusaŭ, pa paŭdniovym zachadzie — 1-3 hradusy ciapła. U treciaj dekadzie śniežnia časam čakajucca apadki ŭ vyhladzie śniehu i mokraha śniehu, na darohach budzie hałalodzica. Tempieratura nočču składzie 2-9 hradusaŭ marozu, pry prajaśnieńniach — 10-14 hradusaŭ nižej nula. Dniom – ad minus 4 da plus 3, u asobnyja dni prahnazujecca 5-8 hradusaŭ marozu, ale ŭ cełym, śniežań budzie ciopły.
