Pra heta paviedamiŭ siońnia ŭ čas bryfinhu «Nadvorje zimy 2015/16» načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Dźmitryj Rabaŭ.
«2015 hod u nas, jak i va ŭsim paŭnočnym paŭšarji, staŭ samym ciopłym za ŭvieś pieryjad mietearałahičnych nazirańniaŭ. I tut uličvajecca i śniežań, jaki ŭ biahučym hodzie taksama čakajecca anamalna ciopłym», — adznačyŭ jon.
Pavodle słoŭ Dźmitryja Rabava, tendencyja rostu siaredniaj tempieratury pavietra ŭ Biełarusi śviedčyć ab tym, što klimat u nas źmianiajecca. «Zima 2014-2015 hadoŭ uvajšła ŭ dziasiatku samych ciopłych zim i zaniała šostaje miesca. Viasna ŭ biahučym hodzie taksama była anamalna ciopłaj i stała dziasiataj u ranžyravanym šerahu nazirańniaŭ», — rastłumačyŭ jon. Śpiecyjalist adznačyŭ, što i leta ŭ 2015 hodzie było ciopłym i anamalna suchim, takija tempieratury ŭ hetu paru hoda ŭ Biełarusi byvajuć prykładna raz u 10 hadoŭ. Vosień taksama demanstravała anamalna vysokija tempieratury.
«Kali hladzieć pa niebiaśpiečnych źjavach, to možna adznačyć, što hety hod byŭ davoli spakojnym. Nijakich mocnych urahanaŭ abo inšych kataklizmaŭ u nas nie było. Viadoma, možna vydzielić niekalki prykładaŭ: u Sianno ŭ červieni vypaŭ hrad 29 mm, u Žytkavičach prajšoŭ u lipieni vielmi mocny livień, kali za 30 chvilin vypała 34 mm apadkaŭ, vielmi mocny livień byŭ u Mahilovie — 57 mm. Akramia taho, nielha nie zhadać nadzvyčajnuju pažaraniebiaśpiečnaść i vysokija tempieratury hetym letam», — raskazaŭ Dźmitryj Rabaŭ.
Ekśpiert padkreśliŭ: niahledziačy na toje, što klimatyčnyja vyniki hoda padvodziacca zvyčajny ŭ kancy studzienia, ciapier užo možna skazać, što hety hod u paŭnočnym paŭšarji staŭ samym ciopłym u historyi mieteanazirańniaŭ, zafiksavana samaja vysokaja tempieratura amal za 120 hadoŭ.
«Prasočvajecca tendencyja da paciapleńnia klimatu. Za apošnija 18 hadoŭ byli zafiksavany samyja ciopłyja 10 hadoŭ za ŭvieś pieryjad nazirańnia. U novym dakładzie ab stychijnych biedstvach AAN havorycca, što pryrodnyja kataklizmy ŭ apošnija 10 hadoŭ adbyvalisia praktyčna štodzień — prykładna ŭ dva razy čaściej, čym 20 hadoŭ tamu. U dakładzie, apublikavanym u paniadziełak, paviedamlajecca, što za hety čas 90 pracentaŭ kataklizmaŭ byli źviazany z pavodkami, štormami, śpiokaj i inšymi źjavami nadvorja. Jašče 10 pracentaŭ prypadaje na dolu hieafizičnych kataklizmaŭ — ziemlatrusaŭ i vyviaržeńniaŭ vułkanaŭ», — kanstatavaŭ jon.
Dźmitryj Rabaŭ rastłumačyŭ, što pavieličeńnie niebiaśpiečnych pryrodnych źjaŭ źviazvajuć z hłabalnym paciapleńniem, prablemy jakoha stali temaj abmierkavańnia na mižnarodnaj kanfierencyi pa źmianieńni klimatu, jakaja pačałasia 29 listapada ŭ Paryžy. «Da siaredziny hetaha stahodździa kolkaść niebiaśpiečnych pryrodnych źjaŭ, pavodle acenak ekśpiertaŭ, moža vyraści ŭ čatyry razy ŭ paraŭnańni ź minułym stahodździem», — kanstatavaŭ jon.
