Kiroŭca fury zahinuŭ u Hrodnie, paviedamili ŭ adździaleńni ahitacyi i prapahandy UDAI UUS Hrodzienskaha abłvykankama.
Vidavočcy paviedamili DAI ab trahiedyi, jakaja adbyłasia siońnia ŭdzień na praśpiekcie Klackova ŭ Hrodnie. Supracoŭniki aŭtainśpiekcyi prybyli na miesca zdareńnia i aharadzili jaho. Pa słovach vidavočcaŭ, fura ź dziaržnumarami Minskaj vobłaści spyniłasia ŭ rajonie restarana «Turan». Mužčyna-kiroŭca pačaŭ likvidavać niejkuju niepaładku, prypadniaŭšy damkratam płatformu mašyny. Adnak damkrat sarvaŭsia, i mužčyna apynuŭsia pamiž kołam i płatformaj, paviedamili hramadzianie. Ludzi vyklikali chutkuju, adnak vyratavać kiroŭcu nie ŭdałosia.
Ekśpierty ciapier vyśviatlajuć, što stała pryčynaj śmierci kiroŭcy. Papiarednie, jany schilnyja pahadzicca ź mierkavańniem vidavočcaŭ ab tym, što mieła miesca miechaničnaje ŭździejańnie, rastłumačyli ŭ DAI. Pravodzicca pravierka.
