U Biełarusi 1 kastryčnika 2016 hoda pačnie svajo funkcyjanavańnie mižbankaŭskaja sistema identyfikacyi (MSI). Jaje stvareńnie praduhledžana ŭkazam prezidenta ad 1 śniežnia 2015 hoda № 478 «Ab raźvićci ličbavych bankaŭskich technałohij».
Jak rastłumačyli ŭ Nacyjanalnym banku, z pačatkam pracy MSI ŭ krainie buduć stvorany ŭmovy dla raźvićcia ličbavaj transfarmacyi bankaŭskaha siektara. Mienavita adsutnaść mižbankaŭskaj identyfikacyi klijenta źjaŭlajecca asnoŭnym barjeram na šlachu dostupu fizičnych i jurydyčnych asob (klijentaŭ) da bankaŭskich pasłuh i praduktaŭ šlacham dystancyjnych (ličbavych) kanałaŭ uzajemadziejańnia.
Jak zaznačajuć u Nacbanku, realizacyja MSI zaklikanaja razburyć hety barjer, a taksama pasłužyć dadatkovym stymułam dla ŭdaskanaleńnia i raźvićcia sistemy bieznajaŭnych raźlikaŭ pa roźničnych płaciažach; pašyreńnia koła karystalnikaŭ bankaŭskimi pasłuhami; źnižeńnia koštu bankaŭskich pasłuh i praduktaŭ za košt rostu kankurencyi i skaračeńnia vydatkaŭ bankaŭ na ich akazańnie.
Farmiravańnie MSI dazvolić klijentam banka, jakija adnarazova prajšoŭšy praceduru identyfikacyi ŭ asabistaj prysutnaści ŭ adnym z bankaŭ, atrymlivać bankaŭskaje absłuhoŭvańnie z dapamohaj dystancyjnych kanałaŭ u lubym biełaruskim banku ŭ zručny čas. Takim čynam, hramadzianam Respubliki Biełaruś buduć dastupnyja pasłuhi, što akazvajucca biełaruskimi bankami, niezaležna ad najaŭnaści u ich nasielenych punktach adździaleńniaŭ bankaŭ, padkreślili ŭ Nacbanku.
U jakaści technałahičnaj bazy dla farmiravańnia MSI vystupaje adzinaja raźlikovaja i infarmacyjnaja prastora Respubliki Biełaruś (ARIP).
Adnačasova z pryniaćciem ukaza № 478 budzie ŭdaskanaleny miechanizm akazańnia bankami pasłuh i ažyćciaŭleńnia bankaŭskich apieracyj. Razam z vykarystańniem elektronnaha ličbavaha podpisu klijent zmoža atrymać bankaŭskuju pasłuhu pry dapamozie prahramna-techničych srodkaŭ i technałohij na bazie infarmacyi ab pieršasnaj identyfikacyi bieź nieabchodnaści naviedvańnia bankaŭ. Takoje absłuhoŭvańnie klijentaŭ budzie ažyćciaŭlacca z ulikam ryzyk-aryjentavaha padychodu pry vykanańni kožnaj kankretnaj bankaŭskaj apieracyi.
Taksama patrabavańniami ŭkaza № 478 praduhledžana, što z 1 studzienia 2017 hoda ŭsie jurydyčnyja asoby i indyvidualnyja pradprymalniki, jakija ažyćciaŭlajuć raboty, realizujuć tavary (pasłuhi) i karystajucca pasłuhami bankaŭ i inšych jurydyčnych asob dla arhanizacyi pryjomu płaciažoŭ na ich karyść, a taksama internet-mahaziny pavinny dać mahčymaść fizičnym asobam pravodzić zhadanyja płaciažy z dapamohaj ARIP. Takim čynam, nasielnictvu budzie zabiaśpiečana mahčymaść apłaty za raboty, tavary i pasłuhi bolš čym u 13 tys. punktach pryjomu płaciažoŭ, u tym liku i šlacham sistem dystancyjnaha bankaŭskaha absłuhoŭvańnia, bankamatach i infakijoskach.
Zaraz Nacbank adkazvaje za farmiravańnie i raźvićcio ARIP, zabiaśpiečvaje funkcyjanavańnie jaje aŭtamatyzavanaj sistemy AIS «Raźlik», a taksama ažyćciaŭlaje narmatyŭnaje pravavoje rehulavańnie i mietadałahičnaje zabieśpiačeńnie pracesu pryjomu płaciažoŭ za pasłuhi i ŭ biudžet ad nasielnictva i ich praviadzieńnie, u tym liku u miežach ARIP. Razam z tym zabieśpiačeńnie funkcyjanavańnia roznych aŭtamatyzavanych sistem praviadzieńnia płaciažoŭ i raźlikaŭ, u tym liku AIS «Raźlik», nie adnosicca da kampietencyi centralnaha banka krainy jak dziaržaŭnaha orhana i nie adpaviadaje mižnarodnaj praktycy.
U suviazi z ukazam № 478 praduhledžana stvareńnie adkrytaha akcyjaniernaha tavarystva «Niabankaŭskaja kredytna-finansavaja arhanizacyja «Adzinaja raźlikovaja i infarmacyjnaja prastora», jakoje pavinna pačać svaju samastojnuju pracu 1 krasavika 2016 hoda.
