Pres-sakratar rasijskaha prezidenta Uładzimira Pucina Dźmitryj Piaskoŭ zajaviŭ, što Rasija nie budzie publikavać dokazy handlu naftaj pamiž Turcyjaj i ekstremisckaj hrupoŭkaj «Isłamskaja dziaržava».
«Hałoŭnaje — heta vałodać infarmacyjaj i vykarystoŭvać jaje ŭ pracy, jakaja sfakusavanaja hałoŭnym čynam nie na dokazie čahości, a na baraćbie z teraryzmam. Hetaja infarmacyja vykarystoŭvajecca ŭ baraćbie z teraryzmam», — skazaŭ Piaskoŭ.
Raniej prezident Turcyi Redžep Taip Erdahan zajaviŭ, što hatovy syści ŭ adstaŭku, kali kali źjaviacca dokazy taho, što Turcyja kuplaje naftu ŭ bajevikoŭ ID.
«Kali heta budzie dakazana, to naš nacyjanalny honar zapatrabuje, kab ja syšoŭ u adstaŭku», — skazaŭ Erdahan žurnalistam na mižnarodnym klimatyčnym samicie ŭ Paryžy.
Raniej Uładzimir Pucin zajaviŭ, što rašeńnie Turcyi źbić rasijski bambavik Su-24 było pradyktavana žadańniem zaścierahčy kanały pastaŭki kantrabandnaj nafty z terytoryj, jakija kantralujucca ID.
Rasija i raniej vinavaciła Turcyju ŭ tym, što jana kuplaje naftu ŭ ekstremistaŭ. Ankara paśladoŭna abviarhaje hetyja abvinavačvańni.