U bližejšyja sutki, 2 śniežnia, umovy nadvorja na terytoryi Biełarusi ŭ asnoŭnym budzie vyznačać vobłaść pavyšanaha atmaśfiernaha cisku, sfarmavanaja ŭ vilhotnaj pavietranaj masie, jakaja pastupaje z Bałtyjskaha mora. Čakajecca vobłačna z prajaśnieńniami.
Nočču miescami, dniom pa ŭschodzie krainy projduć nievialikija karotkačasovyja apadki (u asnoŭnym mokry śnieh). Na asobnych učastkach daroh zachavajecca hałalodzica. Viecier paŭnočna-zachodni paryvisty. Tempieratura pavietra minimalnaja nočču -3.. + 2°S, maksimalnaja dniom 0.. + 5°S. Atmaśfierny cisk budzie raści.
3 śniežnia nadvorje abumović małaaktyŭny atmaśfierny front, jaki źmiaščajecca z terytoryi Polščy. Miescami projduć nievialikija apadki (mokry śnieh, doždž). U asobnych rajonach tuman, słaby hałalod, na darohach hałalodzica. Tempieratura pavietra minimalnaja nočču 0..- 6°S, pa zachadzie da + 2°S; maksimalnaja dniom -2.. + 3°S, u zachodnich rajonach 4.. + 6°S.
