Delfi.lt
Atłantyčnyja cykłony, jakija buduć haspadaryć na Poŭnačy Jeŭropy ŭvieś tydzień, pierakryjuć pastupleńnie chałodnaha arktyčnaha pavietra ŭ Biełaruś. Nas čakaje ciopłaje, syroje i vietranaje nadvorje. Siaredniaja tempieratura čakajecca na 3—5 hradusaŭ vyšej za normu.
Pra heta raspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
U aŭtorak na bolšaj častcy terytoryi krainy projduć apadki ŭ vyhladzie daždžu i mokraha śniehu. Nočču i ranicaj miescami słaby hałalod. Na asobnych učastkach daroh hałalodzica. Miescami ŭzmacnieńnie vietru paryvami da 15—18 m/s. Tempieratura pavietra minimalnaja nočču -2 — + 3°S, maksimalnaja dniom 0 — +5°S.
U sieradu, 2 śniežnia, z rostam atmaśfiernaha cisku, karotkačasovy śnieh čakajecca pieravažna pa paŭnočnym uschodzie krainy. Na asobnych učastkach daroh hałalodzica. Tempieratura pavietra minimalnaja nočču -3 — +2°S, maksimalnaja dniom 0 — +5°S.
Z čaćviarha i da kanca tydnia nadvorje buduć vyznačać atmaśfiernyja franty, jakija pryniasuć na našu terytoryju sahretaje Halfstrymam ciopłaje i vilhotnaje pavietra.
U čaćvier miescami projduć nievialikija apadki, u asnoŭnym doždž. U asobnych rajonach tuman, hałalod, na darohach hałalodzica. Tempieratura pavietra minimalnaja nočču 0 — -5°S, pa paŭdniovym zachadzie 1 + 3°S; maksimalnaja dniom 0 — + 7°S.
U piatnicu, 4 śniežnia, miescami karotkačasovyja apadki, u asnoŭnym doždž. Tempieratura pavietra minimalnaja nočču 0 — +5°S, maksimalnaja dniom +1 + 7°S.
U vychadnyja taki charaktar nadvorja zachavajecca.
