Adzin z udaraŭ rasijskaj avijacyi ŭ siryjskaj pravincyi Idlib byŭ naniesieny pa bazary ŭ horadzie Arycha. Zahinuli ad 40 da 60 mirnych žycharoŭ. Niekatoryja ŚMI śćviardžajuć, što pry bambardziroŭcy vykarystoŭvalisia kasietnyja bojeprypasy.
Pavodle źviestak telekanała Al-Jazeera, zahinuli 40 čałaviek, dziesiatki atrymali ranieńni.
Siryjskaja rada manitorynhu pravoŭ čałavieka paćviardžaje fakt bambardziroŭki. Jana śćviardžaje, što pry bambardziroŭcy Arychi zahinuli kala 60 čałaviek. Ab 40 achviarach paviedamlaŭ apazicyjny siryjski telekanał Orient TV.
Apublikavanyja fota i videa, źniatyja na miescy avijaŭdaru. Na ich vidać mnostva skryvaŭlenych ciełaŭ.
Horad kantralujecca aljansam z udziełam «Frontu an-Nusra» — adździaleńnia «Al-Kajdy» ŭ Siryi.
Apošni incydent z takoj kolkaściu achviaraŭ siarod mirnych žycharoŭ zdaryŭsia, kali amierykanskaja avijacyja naniesła rakietny ŭdar pa špitali ŭ horadzie Kunduz u Afhanistanie, u časie šturmu horada talibami.
