U Kišyniovie, a taksama ŭ siami inšych rehijanalnych centrach Małdovy prajšli šmattysiačnyja akcyi pratestu, arhanizavanyja prajeŭrapiejskaj hramadzianskaj płatformaj «Hodnaść i praŭda». Pra heta paviedamlaje vydańnie jurnal.md.
Akramia Kišyniova, akcyi prajšli ŭ haradach Saroki, Archiej (Arhiejeŭ), Bielcy, Chynčešty, Kahuł, Unhieny.
Pa vynikach mitynhu ŭ Kišyniovie była pryniata rezalucyja z patrabavańniem rasśledavańnia Interpołam dziejnaści aliharcha Płachatniuka, jakoha abvinavačvajuć u pavyšeńni taryfaŭ na elektraenierhiju i haz, a taksama atrymańni 18 młn dalaraŭ ad Rasii, podkupie sudździaŭ, i vyvadzie z bankaŭskaj sistemy miljardaŭ.
Udzielniki pratestaŭ patrabujuć viartańnia hrošaj u dziaržavu.
Akramia taho, udzielniki pratestaŭ chočuć damahčysia refierendumu, jaki b dazvoliŭ «viarnuć dziaržavu narodu i pazbavicca ad aliharchaŭ».
Pratestoŭcy vystupajuć taksama za mahčymaść abirać i adklikać prezidenta krainy. Akramia taho, jany patrabujuć admieny deputackaj niedatykalnaści i skaračeńnia kolkaści parłamientaryjaŭ sa 101 da 71.
Pačynajučy z 6 vieraśnia, mitynhi praciahvalisia non-stop na płoščy Vialikaha nacyjanalnaha schodu, dzie raźmieščany namiotavy haradok «Hodnaści i Praŭdy».
