U šviedskim Estersundzie startavaŭ Kubak śvietu pa bijatłonie. Trochrazovaja alimpijskaja čempijonka Darja Domračava prapuskaje hod z-za chvaroby.
Pieršaja honka — heta adzinočnaja estafieta (supiermikst), u jakoj ad Biełarusi brali ŭdzieł Juryj Ladaŭ i Nadzieja Pisarava. Jany zaniali tolki 19-je miesca z 26 udzielnikaŭ (adstavańnie — +2.55,2, 1+16).
Pieršaje miesca vyjhrała Narviehija (Kajia-Viejen Nikałajsien, Łars Chielhie Birkiełand): 36.27,3 (1+7). Druhoje miesca zaniała zbornaja Kanady. Treciaja — Hiermanija.
Zatym prajšła miašanaja Za Biełaruś biehli Nadzieja Skardzina, Iryna Kryŭko, Dźmitryj Dziužaŭ i Uładzimir Čapielin. U vyniku kamanda zaniała 7-je miesca. Pieršaje miesca zaniała Narviehija.
U sieradu i čaćvier projduć indyvidualnyja honki ŭ mužčyn i žančyn, u subotu — sprynt, u niadzielu — honka pieraśledu.
Kubak śvietu pa bijatłonie 2015-2016 składajecca z 10 etapaŭ, 2-i etap projdzie z 11 pa 13 śniežnia ŭ aŭstryjskim Chochfilcenie.
Čempijanat śvietu pa bijatłonie (9-y etap) — u narviežskim Chałmienkolenie z 3 pa 13 sakavika.