U niadzielu cieła rasiejskaha pilota Aleha Piaškova, jaki zahinuŭ u Syryi pobač z tureckaj miažoj, budzie pieradadzienaje rasiejskim dyplamatam u stalicy Turcyi Ankary. Pra heta paviedamiŭ žurnalistam premjer-ministr Turcyi Achmet Davutohłu.
«Našamu boku pieradadzienaje cieła rasiejskaha pilota, jaki zahinuŭ u chodzie incydentu z parušeńniem miažy. Hetaj nočču pravasłaŭnyja śviatary Chatai praviali nieabchodnyja relihijnyja abrady. Cieła zahinułaha pa zapycie Rasiei budzie pieradadzienaje rasiejskamu boku», — skazaŭ Davutohłu.
Jak paviedamiŭ rasiejskim žurnalistam pres-ataše ambasady Rasiei ŭ Ankary Ihar Miciakoŭ, u pieralocie cieła budzie supravadžać vajenny ataše ambasady.
«Na aeradromie Ankary samalot buduć sustrakać rasiejski ambasadar Andrej Karłaŭ i pradstaŭniki ambasady. Data i čas dastaŭki cieła pilota ŭ Rasieju pakul udakładniajucca», — paviedamiŭ pres-fnnfit.
Rasiejski bambavik Su-24M byŭ źbity źniščalnikam VPS Turcyi ŭ minuły aŭtorak z-za, jak śćviardžaje Turcyja, parušeńnia pavietranaj prastory krainy.
Abodva lotčyki Su-24M zdoleli katapultavacca, adnak adzin ź ich byŭ zabity ahniom ź ziamli. Druhi lotčyk byŭ vyratavany i dastaŭleny na bazu. U pošukavaj aperacyi zahinuŭ taksama adzin z kantraktnikaŭ, kali viertalot Mi-8 trapiŭ pad abstreł i ździejśniŭ vymušanuju pasadku.
