Prezident Ukrainy Piatro Parašenka ŭ svaim fejsbuku vykazaŭ mierkavańnie, što Haładamoru nie było, kali b ukraincy nie stracili svaju dziaržaŭnaść u pačatku XX st. i supolna adbilisia ad balšavikoŭ, a nie adstrelvali adzin adnaho.
fota z fejsbuka prezidenta Ukrainy
«Ja ćviorda ŭpeŭnieny: Haładamoru nie adbyłosia b, kali b my nie stracili dziaržaŭnaść u pačatku 20-ch hadoŭ minułaha stahodździa. Maskoŭskija balšaviki nie pieramahli b va Ukrainie, kali b prychilniki niezaležnaści bili b razam voraha, a nie rezali i adstrelvali adzin adnaho na radaść Maskvie. My pavinny pamiatać naša minułaje i rabić ź jaho vysnovy.
Carstva Niabiesnaje achviaram Haładamoru — hienacydu. Słava našym novym hierojam! Słava Ukrainie!», — napisaŭ kiraŭnik Ukrainy.
***
Va Ukrainie 28 listapada adznačajuć Dzień pamiaci achviaraŭ masavaha hoładu: Haładamoru 1932—1933 hadoŭ, a taksama haładamoraŭ 1921—1922 i 1946—1947 hh..
U Kijevie prajšli žałobnyja mierapryjemstvy, byŭ pryspuščany dziaržaŭny ściah i abmiežavana praviadzieńnie mierapryjemstvaŭ zabaŭlalnaha charaktaru, abvieščana ahulnanacyjanalnaja chvilina maŭčańnia.
Instytut demahrafii i sacyjalnych daśledavańniaŭ NAN Ukrainy, jaki pravodziŭ daśledavańni sumiesna z amierykanskimi navukoŭcami, nazvaŭ kolkaść achviaraŭ Haładamoru 30-ch hadoŭ. Na ich dumku, z 1932 pa 1934 achviarami hoładu va Ukrainie stali 3,9 młn ukraincaŭ, što składaje 13% ad ahulnaj kolkaści nasielnictva na toj momant.