kommersant.ru
Zasnavalnik rasijskaha kalektyvu «Chor Tureckaha» Michaił Turecki pryznaŭsia, što abvastreńnie adnosin pamiž Rasijaj i Turcyjaj zaachvociła jaho zadumacca ab źmienie nazvy kalektyvu i proźvišča. Słovy śpievaka pieradaje lenta.ru sa spasyłkaj na «Russkuju słužbu novostiej».
«Paśpiešlivaje rašeńnie ŭ takim važnym pytańni prymać składana. Nazva kalektyvu pamianiać nie składana. Proźvišča pamianiać — proźvišča žonki, moža, vaźmu», — zajaviŭ Turecki.
Akramia taho, šoŭmen paličyŭ patrebnym raskazać pra etymałohiju svajho proźvišča. Pavodle jaho słoŭ, jana ad nazvy polskaha pasielišča Terec [Turec? — NN] i z Turcyjaj nijak nie źviazanaja.
Chor pad kiraŭnictvam Michaiła Tureckaha byŭ sabrany ŭ 1989 hodzie dla adradžeńnia tradycyj jaŭrejskaj liturhičnaj muzyki. U 2003 hodzie kalektyŭ atrymaŭ svajo ciapierašniuju nazvu «Art-hrupa Chor Tureckaha» i pašyryŭ repiertuar, jaki ciapier uklučaje opiernuju kłasiku, džaz, rok-muzyku i haradski falkłor. U vieraśni 2015-ha «Chor Tureckaha» pačaŭ vystupać ź jubilejnymi kancertami, pryśviečanymi 25-hodździu.
Antytureckaja isteryja pačałasia ŭ Rasii paśla źbićcia rasijskaha Su-24.
