Prezident Azierbajdžana Ilcham Alijeŭ prybyŭ viečaram 27 listapada z aficyjnym vizitam u Biełaruś.
Prahramaj vizitu, jaki praciahniecca pa 28 listapada, zapłanavany pieramovy kiraŭnika biełaruskaj dziaržavy Alaksandra Łukašenki i kiraŭnika azierbajdžanskaj dziaržavy ŭ vuzkim i pašyranym składach, a taksama padpisańnie mižnarodnych dakumientaŭ.
Paviedamlajecca, što sustreču Łukašenki i Alijeva pakažuć u 10:50 u žyvym efiry pa «Biełaruś-1».
Čakajecca, što Ilcham Alijeŭ uskładzie vianok da manumienta Pieramohi ŭ Minsku, naviedaje Biełaruski dziaržaŭny muziej historyi Vialikaj Ajčynnaj vajny.
Apošni raz kiraŭniki dziaržaŭ sustrakalisia 12 červienia ŭ Baku pierad aficyjnaj cyrymonijaj adkryćcia I Jeŭrapiejskich hulniaŭ. Prezidenty adznačyli dobryja adnosiny pamiž Biełaruśsiu i Azierbajdžanam.
Alaksandr Łukašenka nie raz kazaŭ pra toje, što ŭłady Azierbajdžana hatovyja «padstavić plačo» Biełarusi ŭ ciažkuju chvilinu. U 2010 h «Hazprom» pačaŭ abmiažoŭvać u Biełaruś pastaŭki hazu, patrabujučy apłacić zapazyčanaść u 190 młn dalaraŭ. Na praciahu niekalkich dzion Biełaruś pahasiła zapazyčanaść.
Łukašenka skazaŭ, što źviarnuŭsia da siabroŭ pa dapamohu i jany pazyčyli hrošy. Paźniej jon udakładniŭ, što havorka idzie pra Azierbajdžan.
