Źviazanyja z BRSM studenty Biełaruskaha dziaržaŭnaha ŭniviersiteta zaklikajuć nie ŭdzielničać u Maršy «Salidarnaść i kachańnie». Nahadajem, što da takoha pratestu 2 śniežnia zaklikali niezadavolenyja ŭviadzieńniem płaty za pierazdačy.
Da Marša pryciahnutaja vialikaja ŭvaha, bo heta pieršaja za doŭhi čas inicyjatyva studenckaj vuličnaj akcyi.
Doŭhija hady ŭsie akcyi pratestu dušyli ŭ zarodku, a ich inicyjataraŭ biaźlitasna vyhaniali z univiersitetaŭ. Ciapierašniaja inicyjatyva — pieršaja paśla dałučeńnia Biełarusi da Bałonskaha pracesu.
Karystalnik Ukantakcie Stanisłaŭ Pinčuk źmiaściŭ dopis, u jakim zaklikaje «padtrymać naš univiersitet».
Naprykancy jon pakinuŭ chešteh i źmianiŭ avatar na «Ja — častka BDU». Post nabraŭ na 28 listapada 216 repostaŭ i 337 łajkaŭ.
Biezumoŭna, što repost zrabiŭ Jaŭhien Charuk — sakratar PA HA «BRSM BDU».
Repost zapisu družna zrabili aktyvisty «samakiravańnia» BDU i BRSM BDU. Reposty abaviazali zrabić i administrataraŭ VK-supołak usich internataŭ BDU.
Adna z aktyvistak BRSM u kamientarach da svajho repostu raspaviała, jak usio było.
