Turecki źniščalnik F-16, jaki źbiŭ rasijski Su-24M, čakaŭ jaho ŭ pavietry, heta była zahadzia spłanavanaja akcyja, zajaviŭ siońnia žurnalistam hałoŭnakamandujučy Pavietrana-kaśmičnych sił (PKS) Rasii hienierał-pałkoŭnik Viktar Bondaraŭ.
«Vyniki abjektyŭnaha kantrolu RŁS Siryi paćviardžajuć znachodžańnie ŭ pavietry dvuch F-16C u zonie dziažurstva z 9 hadzin 11 chvilin da 10 hadzin 26 chvilin na praciahu 1 hadziny 15 chvilin na vyšyni 2,4 tys. m, što śviedčyć ab zahadzia spłanavanaj akcyi i hatoŭnaści źniščalnikaŭ dziejničać z zasady ŭ pavietry nad terytoryjaj Turcyi», — skazaŭ Bondaraŭ.
Jon udakładniŭ, što dla padlotu F-16C z avijabazy Dyjarbakyr ź miescaznachodžańnia dziažurstva na ziamli da miesca pusku rakiety składaje 46 chvilin — 15 chvilin treba na padrychtoŭku i ŭźlot samalota, jašče 31 chvilinu zajmaje maršrut da rubiaža pusku. «Takim čynam, pierachvat samalota Su-24M ź miescaznachodžańnia dziažurstva na ziamli z aeradroma Dyjarbakyr niemahčymy, pakolki patrebny čas padlotu pierasiahaje minimalny čas dla ataki celi na 12 chvilin», — padkreśliŭ hienierał.
