Ministerstva finansaŭ ZŠA ŭviało sankcyi ŭ dačynieńni da čatyroch fizičnych asob i šaści kampanij za padtrymku režymu Bašara Asada i dapamohu ŭ ažyćciaŭleńni naftavych ździełak pamiž siryjskim uradam i hrupoŭkaj «Isłamskaja dziaržava».
U sankcyjny śpis trapili, u pryvatnaści, rasijski bank «Ruski finansavy aljans», staršynia jaho rady dyrektaraŭ Mudałał Chury i prezident mižnarodnaj šachmatnaj fiederacyi FIDE Kirsan Ilumžynaŭ, jaki vałodaje pakietam akcyj banka.
Sankcyi aznačajuć zamarožvańnie ich aktyvaŭ.
Jak ličyć minfin ZŠA, u schiemie pa kupli siryjskim režymam nafty ŭ ID było šeść udzielnikaŭ — fizičnych i jurydyčnych asob. Aproč ich, u sankcyjny śpis trapili jašče čatyry asoby, jakija akazvajuć padtrymku režymu Bašara Asada.
U amierykanskaje kaznačejstva zajaŭlaje, što «Złučanyja Štaty praciahnuć adsočvać finansy tych, chto dapamahaje Asadu čynić hvałt u dačynieńni da siryjskaha naroda».
Mudałał Chury — hramadzianin Rasii siryjskaha pachodžańnia. U 1983 hodzie jon skončyŭ Maskoŭski univiersitet družby narodaŭ. Jak adznačajecca ŭ sankcyjnym śpisie, Chury byŭ źviazany z šeraham siryjskich i rasijskich kampanij, na jakich taksama byli nakładzienyja sankcyi.
Kirsan Ilumžynaŭ staŭ akcyjanieram banka «Ruski finansavy aljans» u 2013 hodzie. Pavodoje dadzienych sistemy «SPARK», na momant napisańnia artykuła jon vałodaŭ 19,03% akcyj banka.
Zhodna z dakumientam minfina ZŠA, «Ruski finansavy aljans» ažyćciaŭlaŭ finansavyja ździełki z uładami Siryi.
Taksama ŭ śpis patrapiŭ siryjski biznesmen Džordž Chasvani, jaki, zhodna ź infarmacyjaj amierykanskaha kaznačejstva, «słužyŭ pasiarednikam u ździełkach pa kupli nafty siryjskim režymam». Pradaŭcom u hetych ździełkach vystupała hrupoŭka «Isłamskaja dziaržava», ličać u viedamstvie.
