U biudžetnych arhanizacyjach Biełarusi naminalnaja naličanaja siaredniamiesiačnaja zarabotnaja płata ŭ studzieni—kastryčniku 2015 hoda skłała 5 młn 246,6 tys. rubloŭ, u tym liku ŭ kastryčniku — 5 młn 284,1 tys. rubloŭ, što na 15,5 tys. rubloŭ, ci na 0,3%, mienš, čym u vieraśni 2015 hoda, paviedamiŭ Nacyjanalny statystyčny kamitet.
U dołaravym ekvivalencie zarpłata biudžetnikaŭ u kastryčniku skłała 303 dalary ZŠA.
Realnaja zarabotnaja płata biudžetnikaŭ u studzieni—kastryčniku 2015 hoda ŭ paraŭnańni z adpaviednym pieryjadam 2014 hoda pavialičyłasia na 4%, u kastryčniku ŭ paraŭnańni ź vieraśniem 2015 hoda pamienšyłasia na 1,1%.
Jak paviedamlałasia raniej, naminalnaja naličanaja siaredniamiesiačnaja zarabotnaja płata rabotnikaŭ arhanizacyj respubliki (bieź mikraarhanizacyj i małych arhanizacyj bieź viedamasnaj padparadkavanaści) u studzieni—kastryčniku 2015 hoda skłała 6 młn 646,5 tys. rubloŭ, u tym liku ŭ kastryčniku — 6 młn 837,6 tys. rubloŭ, što na 25,4 tys. rubloŭ, ci na 0,4%, mienš, čym u vieraśni 2015 hoda.