Ułady Brazilii aficyjna ŭviali biaźvizavy režym dla zamiežnych hramadzian, jakija zachočuć naviedać paŭdniovaamierykanskuju dziaržavu ŭ pieryjad praviadzieńnia Alimpijskich i Paralimpijskich hulniaŭ 2016 hoda. Adpaviedny zahad za podpisam prezidenta krainy Dziłmy Rusief abnarodavany siońnia va ŭradavaj haziecie.
U kancy kastryčnika Fiederalny sienat — vierchniaja pałata brazilskaha parłamienta — adobryŭ zakonaprajekt, i ciapier svoj podpis pastaviła Rusief.
Skarystacca pravam biaźvizavaha ŭjezdu ŭ Braziliju zmohuć turysty, jakija ŭjazdžajuć u krainu z červienia pa vierasień 2016 hoda terminam da 90 dzion.
U 2014 hodzie ŭ čas ČS pa futbole takaja inicyjatyva ŭžo ŭkaraniałasia, adnak tady jaje dziejańnie raspaŭsiudžvałasia tolki na tych turystaŭ, u jakich byŭ pry sabie bilet chacia b na adzin z matčaŭ. U vyniku kolkaść srodkaŭ, patračanych u Brazilii za hety čas, pavialičyłasia bolš jak na 60 pracentaŭ.
Letniaja Alimpijada adbudziecca z 5 pa 21 žniŭnia 2016 hoda. Heta buduć pieršyja Alimpijskija hulni, jakija projduć u Paŭdniovaj Amierycy. Paralimpijada budzie pravodzicca 7-18 vieraśnia.
