U handlovych centrach Minska 27 listapada projdzie rasprodaž «čornaj piatnicy», paviedamiŭ kiraŭnik prajektaŭ pa handlovaj nieruchomaści kiraŭnickaj kampanii «Tvaja stalica. Kiraŭnictva prajektami» Arciom Davidovič.
Meblevuju «čornuju piatnicu» prymierkavali da hadaviny handlovaha centra «Trum». Jaje padtrymali kala 50 mahazinaŭ: «Centr kuchni Zov», Estell, Letto, Etagere, Vegas, «Łavieson», MebelLux i inšyja. Skidki na meblu i pradmiety interjeru buduć dasiahać 60%. Pa źnižanych cenach abiacajuć pradavać łožki, kanapy, stały, kresły, dźviery, aksiesuary, hatovyja kalekcyi mebli dla haścinaj, spalni, kuchni i vanny. Tak, ceny na łožki buduć pačynacca z 3,3 młn rubloŭ, na kanapy — z 4,4 młn, a na kalekcyi mebli dla haścinaj — z 5 młn.
Nahadajem, meblevy rasprodaž u «Trumie» ŭžo prachodziŭ u červieni. U hetu piatnicu pamiery skidak pavialičać, a času ŭ pakupnikoŭ budzie bolš: asablivyja ceny buduć dziejničać z 15 da 21 hadziny. Handlovyja apieratary ŭziali na siabie abaviazacielstvy nie pavyšać ceny za niekalki tydniaŭ da «čornaj piatnicy», zrabić realnyja skidki i nie ŭvodzić pakupnika ŭ zman, zaznačyŭ kiraŭnik prajektaŭ.
«Arhanizatary ŭličyli vopyt minułych raspradažaŭ i paprasili arandataraŭ skinuć ceny na častku tavaraŭ da ŭzroŭniu sabiekoštu, jak heta pryniata na Zachadzie. Takija mierapryjemstvy pracujuć na farmiravańnie brenda: kali spažyviec zastajecca zadavoleny kuplaj, to jon vierniecca ŭ mahazin, — tut nie pavinna być mety zarabić», — miarkuje Davidovič.
Dziciačaja «čornaja piatnica» ŭ handlova-zabaŭlalnym centry «Tytan» zakranie bolš jak 20 mahazinaŭ viadomych brendavych sietak. Siarod ich «Buslik», Kari Kids, Mothercare, FUNtastik, Chicco, Play Today, «Moj riebienok». Patańniejuć dziciačaje adzieńnie, abutak i cacki, ceny na mnohija tavary źniziać na 30—50%. Buduć dziejničać i skidki na naviedvańnie kantaktnaha zaaparka (ad 10 da 30%), a ŭ art-kinateatry za paŭcany buduć pradavać papkorn.
Paśla 17 hadzin na trecim paviersie «Tytana» adbudziecca dziciačaje śviata. Naviedvalnikaŭ čakajuć konkurs z pryzami, kulinarnaje šou, vystupleńni kłoŭna, vakalnych kalektyvaŭ. Dziaciej buduć zabaŭlać animatary ŭ kaściumach pirataŭ, rostavyja lalki i majstar pa akvahrymie.
«Čornaja piatnica» ŭ Minsku projdzie adnačasova ź inšymi haradami śvietu. Tradycyja rasprodažu paśla Dnia padziaki naradziłasia ŭ ZŠA jašče ŭ 60-ch hadach minułaha stahodździa i chutka pryžyłasia ŭ inšych krainach. U Biełarusi «čornaja piatnica» tolki nabiraje papularnaść. Ale handlovyja apieratary da jaje prajaŭlajuć vialikuju cikavasuć, uśviedamlajučy značnaść takoha kštałtu mierapryjemstvaŭ dla pašyreńnia svajoj aŭdytoryi i pavyšeńnia łajalnaści da brendaŭ», — zaznačyŭ pradstaŭnik «Tvaja stalica. Kiraŭnictva prajektami».
