tass.ru
Rasija nie maje namieru vajavać z Turcyjaj u suviazi z tym, što adbyłosia napiaredadni z rasijskim samalotam Su-24, adnak pierahledzić adnosiny c Ankaroj, zajaviŭ kiraŭnik MZS Rasii Siarhiej Łaŭroŭ.
«Vajavać z Turcyjaj my nie źbirajemsia, staŭleńnie da tureckaha narodu nie źmianiłasia, u nas uźnikajuć pytańni da dziejańniaŭ ciapierašniaha tureckaha kiraŭnictva», — rastłumačyŭ Łaŭroŭ.
Kiraŭnik MZS paviedamiŭ, što ŭ rasijskich uładaŭ niama płanaŭ nanosić vizity ŭ Turcyju i prymać pradstaŭnikoŭ Turcyi ŭ Maskvie.
U aŭtorak było abvieščana, što Siarhiej Łaŭroŭ admianiŭ vizit u Turcyju, jaki byŭ zapłanavany na sieradu. U chodzie vizitu Łaŭroŭ pavinien byŭ abmierkavać situacyju ŭ Siryi ź ministram zamiežnych spraŭ Turcyi Mieŭlutam Čavušahłu.
Adnak kiraŭniki źniešniepalityčnych viedamstvaŭ dźviuch krain praviali hutarku pa telefonie, paśla čaho Łaŭroŭ i zrabiŭ hetyja zajavy.
Pavodle słoŭ Łaŭrova, Maskva nie vyklučaje, što napad tureckich VPS na rasijski Su-24 była «spłanavanaj pravakacyjaj».
