«Vajar» — spartova-patryjatyčny kłub, stvorany «Maładym Frontam» dla vychavańnia biełaruskich chłopcaŭ i dziaŭčat u zdarovym nacyjanalnym duchu. Pierad tvaram źniešnich pahrozaŭ my bačym, što kab być biełaruskim patryjotam ciapier, niedastatkova viedać nazubok rodnuju movu abo nasić vyšyvanku. Treba taksama ŭmieć pastajać za svoj Kraj i jaho terytaryjalnuju cełasnaść», — havorycca ŭ supołcy «Ukantakcie» stvaralnikaŭ «Vajara».
Lidar «Maładoha frontu» Źmicier Daškievič u kamientary «Našaj Nivie» adznačyŭ, što praca «Vajara» skiravanaja na dapryzyŭnuju padrychtoŭku biełaruskaj moładzi, vychavańnie patryjatyzmu dy asabistaj adkaznaści ŭdzielnikaŭ.
«U adroźnieńni ad taho ž «Biełaha Lehijonu», jaki rabiŭ ci robić toje ž samaje ŭpotajemki, my arhanizacyja publičnaja, tamu nie budziem ničoha chavać. U Biełarusi dziejničajuć dziasiatki prakramloŭskich arhanizacyj, jakija ažyćciaŭlajuć vajskovuju padrychtoŭku moładzi. U takich umovach my taksama musim zadumacca pra abaronu svajoj Baćkaŭščyny ad ahresii zvonku», — skazaŭ Daškievič.
Fota ź pieršych zaniatkaŭ «Vajara»
Pavodle Źmitra, instruktarami «Vajara» buduć ludzi z bajavym dośviedam. Na zaniatkach budzie vykarystoŭvacca strajkbolnaja zbroja i poŭnahabarytnyja madeli.
«Pieršym časam zaniatki buduć prosta ŭ formie hulniaŭ u strajkboł z tearetyčnaj častkaj. Potym, nabraŭšy dobruju kolkaść siabroŭ, my pasprabujem aficyjna zarehistravacca», — raskazaŭ Daškievič i padkreśliŭ, što nie maje iluzij na hety kont.
«Kali «Kazačy spas» zajmajecca tym samym biez rehistracyi i ich nie zakryvajuć, to i my, vynikaje, nie parušajem nijakich zakonaŭ», — padahulniŭ Źmicier.
