Urad Ukrainy časova zabaraniŭ pierasoŭvańnie hruzavoha transpartu na administracyjnaj miažy pamiž Ukrainaj i AR Krym.
Pra heta rašeńni ŭrada paviedamlaje pres-słužba KMU.
«Urad zabaraniaje pierasoŭvańnie hruzavych patokaŭ na administracyjnaj miažy pamiž Ukrainaj i AR Krym. Adpaviednaje rašeńnie było pryniata ŭ paniadziełak, 23 listapada, na pazačarhovym pasiadžeńni ŭrada», — skazana ŭ paviedamleńni.
Raniej u paniadziełak Jacaniuk prapanavaŭ uradu prypynić pierasoŭvańnie hruzavoha transpartu.
Taksama Jacaniuk daručyŭ uradu na čale ź Minekanomiki, zhodna z zakonam, padrychtavać prajekt rasparadžeńnia ŭrada ab kankretnym pieraliku tavaraŭ, rabot i pasłuh, jakija mohuć pradastaŭlacca ŭ AR Krym, i ŭvieści adpaviedny pieralik tavaraŭ.
Raniej ruch hruzavoha transpartu abmiažoŭvali krymskija tatary i inšyja aktyvisty, jakija zabłakavali try prapusknyja punkty na miažy AR Krym i macieryka.
