U kitajskaj pravincyi Ciancziń płanujuć pabudavać samy vialiki ŭ śviecie zavod pa kłanavańni žyvioł, paviedamiŭ kiraŭničy kamitet Cianczińskaj zony ekanamičnaha i techničnaha raźvićcia.
Pradpryjemstva, u budaŭnictva jakoha płanujecca inviestavać 200 młn juaniaŭ (31,3 młn dalaraŭ), budzie ŭklučać u siabie łabaratoryju, centr kłanavanych žyvioł, «hienny bank» i vystavačnuju zału.
Kamitet pa raźvićci pravincyi padpisaŭ pahadnieńnie z kampanijaj Yingke Boya Gene Technology, jakaja naležyć kitajskaj hrupie Boyalife, lidaram u krainie pa daśledavańni ułaścivaściaŭ stvałavych kletak.
Jak paviedamlajecca, budaŭnictva asnoŭnaha korpusa zavoda ŭžo pačataje. U śpis žyvioł, jakich płanujuć kłanavać, uvachodziać słužbovyja i chatnija sabaki, karovy i biehavyja koni.
Ciapier miarkujecca, što častka pradukcyi zavoda budzie vystaŭlacca na prodaž.
Pa słovach kiraŭnika hrupy Boyalife Siuj Siaačunia, prajektnaja mahutnaść zavoda praduhledžvaje vytvorčaść 100 tysiač karovinych embryjonaŭ na hod — heta dapamoža vyrašyć prablemu niedachopu jałavičyny na ŭnutranym rynku.
Pieršaja ŭ Kitai kampanija, jakaja zajmajecca kamiercyjnym kłanavańniem žyvioł, była zasnavanaja ŭ 2014 hodzie hrupaj Boyalife i kampanijaj Sooam Biotech. Pieršym jaje praduktam stali troje čystakroŭnych ščaniukoŭ tybieckaha mastyfa.
