Pavietranyja masy z paŭnočnych rajonaŭ Jeŭropy prynieśli ŭ Biełaruś panižeńnie tempieratury pavietra i apadki ŭ vyhladzie śniehu. U paniadziełak u asobnych rajonach krainy ŭstalavaŭsia pieršy śniežny kilim vyšynioj da 1—3 sm, paviedamiła pradstaŭnik Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Ludmiła Paraščuk.
Pavodle słoŭ śpiecyjalista, ciaham amal ŭsiaho tydnia nadvorje ŭ krainie buduć vyznačać prachałodnyja i niaŭstojlivyja pavietranyja masy. Budzie iści śnieh, mokry śnieh, tempieratura ŭ načnyja hadziny budzie admoŭnaj, dniom — blizkaj da nula.
24 listapada ŭ mnohich rajonach krainy projduć nievialikija apadki (u asnoŭnym mokry śnieh). Miescami słaby tuman, hałalod, na asobnych učastkach daroh hałalodzica. Tempieratura pavietra minimalnaja nočču -5 … + 1°S, maksimalnaja dniom -1 … + 4°S.
U sieradu budzie pieravažna biez apadkaŭ, tolki nočču ŭ asobnych rajonach Viciebskaj i Mahiloŭskaj abłaściej nievialiki karotkačasovy śnieh. Miescami słaby tuman, hałalod, na darohach hałalodzica. Tempieratura pavietra minimalnaja nočču -2 … -7°S, miescami da -10°S; maksimalnaja dniom -4 … + 2°S.
26 listapada, u čaćvier, pieravažna biez apadkaŭ, tolki dniom pa paŭdniovym zachadzie krainy nievialiki karotkačasovy śnieh. Na asobnych učastkach daroh hałalodzica. Tempieratura pavietra minimalnaja nočču -1 … -7°S, pa ŭschodzie miescami da -10°S; maksimalnaja dniom -4 … + 2°S.
U piatnicu ŭ asobnych rajonach mahčymy karotkačasovy śnieh, mokry śnieh, tuman, słaby hałalod. Na darohach miescami hałalodzica. Tempieratura pavietra minimalnaja nočču -1 … -8°S, maksimalnaja dniom -3 … + 3°S.
U vychadnyja dni charaktar nadvorja źmienicca, u Biełaruś znoŭ nakirujecca bolš ciopłaje pavietra atłantyčnaha pachodžańnia.
Apadki piarojduć na źmiešanuju fazu: mokry śnieh i doždž, tempieratura pavysicca.
