U Bielhii druhi dzień zachoŭvajecca pavyšany ŭzrovień terarystyčnaj pahrozy. Pa słovach ministra ŭnutranych spraŭ Jana Žambon, u śpisie na vyšuk jość asoby, jakich bielhijskija śpiecsłužby padazrajuć u padrychtoŭcy novych napadaŭ.
Raniej paviedamlałasia, što viaducca pošuki Sałacha Abdesłama, padazravanaha ŭ napadach na francuzskuju stalicu 13 listapada. Pa słovach bielhijskich uładaŭ, usie, kaho jany šukajuć, uzbrojenyja i vielmi niebiaśpiečnyja.
Premjer-ministr Bielhii Šarl Mišel paviedamiŭ, što ŭrad «vałodaje dakładnaj infarmacyjaj pra toje, što niekalki čałaviek, uzbrojenych vybuchoŭkaj i ahniastrelnaj zbrojaj, mohuć ździejśnić napad, mahčyma adrazu ŭ niekalkich miescach».
U intervju telekanału VRT jon paviedamiŭ, što niebiaśpieka nie abmiažoŭvajecca adnym Abdesłamam. Pakul niezrazumieła, ci źviazanyja ź im inšyja ludzi, što znachodziacca ŭ vyšuku, ci ž jany dziejničajuć samastojna.
