Repier Siaroha źnik z radaraŭ žurnalistaŭ. Miž tym vyjaviłasia, što artyst ŭščylnuju zaniaŭsia svajoj źniešnaściu i, źmianiŭšysia da niepaznavalnaści, rastaŭsia z žonkaj. Niekali papularny vykanaŭca chita «Čorny bumier» pryznaŭsia ŭ intervju, što pakinuŭ siamju ŭ Kijevie, a sam pierajechaŭ u Maskvu.
Siarhiej Parchomienka (sapraŭdnaje imia Siarohi) siońnia — heta nie tolki aŭtar i vykanaŭca pieśniaŭ, ale i paśpiachovy biznesmen, ofis jakoha raźmiaščajecca na 61-m paviersie adnoj ź viežaŭ Maskvy-sici. Paśla niekalkich hadoŭ znachodžańnia ŭ cieni śpiavak źjaviŭsia na zornym niebaschile pad novym psieŭdanimam Palihraf ŠarykOFF. Sceničny vobraz Siarhieja abnaviŭsia: ciapier heta nie prosty pacančyk z rajona ŭ kiepcy, a nakačany brutalny mužčyna z praniźlivym pozirkam.
Adnak sam artyst nie chavaje, što jamu jašče jość, nad čym papracavać. U Siarohi prablema z kantrolem ŭłasnaha hnievu. «Mnie składana kantralavać hnieŭ, i heta sapraŭdnaja prablema. Maje adnosiny z žančynami składvalisia b lepš, kali b ja byŭ nie takim pramym i rezkim. I ŭ hetym sensie sumlenna, pa-sapraŭdnamu zajzdrošču padabcaśnikam! Časam varta nie zaŭvažać žanočaha hłupstva, nie adkazać na kryŭdnaje słova, daravać niedachop uvahi i niežadańnie zrazumieć ciabie. Ale ŭ mianie nie atrymlivajecca być inšym. I, napeŭna, užo nikoli nie atrymajecca. Spadziajusia, što syny ŭ hetym sensie nie ŭ mianie pajšli», — vykazaŭ nadzieju artyst.
Mahčyma, mienavita z-za niastrymanaści Siaroha rastaŭsia z žonkaj Palinaj. Sam Siaroha zajaviŭ, što adnosiny nie skłalisia z-za ŭzajemnaha nieparazumieńnia. «Doŭha pryciralisia adzin da adnaho, sprabavali niejak ŭžycca, ale potym zrazumieli, što my roznyja ludzi, i ciapier žyviem nie prosta ŭ roznych damach — u roznych krainach. Ź dziećmi ja bačusia rehularna, ale nie tak časta, jak chaciełasia b. Im kamfortniej žyć z mamaj u Kijevie, a ŭ mianie ŭsio žyćcio ciapier u asnoŭnym skancentravana ŭ Maskvie», - cytuje Siarohu «Tieleniediela».
Niahledziačy na šmatlikija kiłamietry adlehłaści, repier starajecca prymać aktyŭny ŭdzieł u vychavańni synoŭ: šaścihadovaha Marka i piacihadovaha Płatona. Siaroha ličyć, što dzieci pavinny raźvivacca roznabakova. Tamu Mark i Płaton chodziać u dziciačy sad z pahłyblenym vyvučeńniem anhlijskaj movy, akramia taho, aktyŭna zajmajucca sportam. «Płavańnie, šachmaty i boks - voś try kity, na jakich, jak ja liču, pavinna stajać spartovaje vychavańnie chłopčykaŭ. Płavać jany navučylisia i praciahvajuć chadzić u basiejn, u šachmaty ŭžo ciapier ź imi hulajem, a dla boksa jašče rana. Choć ja časam pakazvaju chłopcam niejkija asobnyja pryjomy, ŭdary i baču, što im heta cikava «, — adznačyŭ Parchomienka.
