Zasnavalnik i hanarovy prezident francuzskaj partyi «Nacyjanalny front» Žan-Mary Le Pien vystupiŭ z prapanovaj ab adnaŭleńni śmiarotnaha pakarańnia praz adsiačeńnie hałavy dla terarystaŭ, pieradaje Le Point.
«My pavinny paćvierdzić fundamientalnyja pryncypy samaabarony i nacyjanalnych pryjarytetaŭ… adnavić dla terarystaŭ śmiarotnaje pakarańnie praz adsiačeńnie hałavy, jak heta robiać bajeviki «Isłamskaj dziaržavy», skasavać padvojnaje hramadzianstva, prymušajučy ludziej rabić vybar u hramadzianstvie, skasavać aŭtamatyčnaje atrymańnie hramadzianstva, adnavić miežy i ich kantrol, departavać nielehałaŭ, u dačynieńni da jakich nie buduć dziejničać nijakija sacyjalnyja pravy», — skazaŭ jon.
Le Pien taksama vystupiŭ u padtrymku adnaŭleńnia paŭhadavoj vajennaj słužby i stvareńnia 100 tysiač miescaŭ u turmie.
Raniej paviedamlałasia, što protaijerej Usievaład Čaplin zaklikaŭ źniščać terarystaŭ i ich sponsaraŭ biez sudovych pracedur.
