Precedent zdaryŭsia siońnia, 20 listapada, u sudzie Centralnaha rajona Minska padčas słuchańnia spraŭ lidara niezarehistravanaha ŭ Biełarusi ruchu salidarnaści «Razam» Viačasłava Siŭčyka i lidara Abjadnanaj hramadzianskaj partyi Anatola Labiedźki.
Siŭčyka abvinavačvali va ŭdziele ŭ niesankcyjanavanym mitynhu suprać rasijskaj vajennaj bazy ŭ Biełarusi, a taksama brydkasłoŭi. Labiedźku sudzili za ŭdzieł u akcyi pamiaci achviaraŭ stalinskich represij napiaredadni «Dziadoŭ».
Labiedźka admoviŭsia ad advakata, abaraniaŭsia sam. Svajoj viny nie pryznaŭ. Sudździa Viktoryja Šabunia prysudziła aktyvista da štrafu ŭ pamiery 50 bazavych vieličyni (9 młn rubloŭ).
Sudździa Viačasłava Siŭčyka Michaił Choma prysudziŭ apazicyjanieru 60 bazavych vieličyń: 30 — za brydkasłoŭje i 30 — za ŭdzieł u niesankcyjanavanaj akcyi. Usiaho lidaru ruchu «Razam» pryjdziecca vypłacić 10 młn 800 tysiač rubloŭ.
Amapaviec Rusłan Myśliviec, adzin sa śviedkaŭ
Žurnalist Taćciana Ułasienka, jakaja prysutničała na pracesie, paviedamlała, što padčas składańnia pakazańniaŭ trecim śviedkam-amapaŭcam, toj tłumačyŭ, za jaki łozunh u jaho byli pretenzii da Siŭčyka. Paśla doŭhich pakut jon, narešcie, skazaŭ usłych: «Pucin - ch…ło!». Ułasienka kaža, što amapaŭcu adrazu stała lahčej: znajści litaraturny sinonim hetaha papularnaha va Ukrainie i ŭ niekatorych biełaruskich kołach vyraza pravaachoŭnik nie zdoleŭ.
Siŭčyk zajaviŭ, što pakazańnie — iłžyvaje, i jon kazaŭ «Chucin pujło». Ale sud pavieryŭ amapaŭcu.
